Illunbe Berriak 15.000 lagun hartzeko kantxa handi bat izango du, eta 3.000rentzako osagarri bat
Donostiako Udalak Illunbeko zezen plaza eta inguruak eraberritzeko aurreproiektua aurkeztu du gaur. Illunbe Berria deituko denak egungo azpiegitura izango du oinarri, baina bi eraikin izango ditu: nagusiak 15.000 ikusle hartzeko moduko edukiera izango du, eta bigarren kantxa osagarri bat egingo dute, edukiera txikiagoarekin (2.500-3.000 pertsona). Guztira, bada, 18.000 pertsona hartzeko azpiegitura izango da. Horrez gain, ingurua bera atonduko dute, saihesbidearen gainetik pasabide bat egingo dute eta lurrazpiko aparkaleku handi bat sortuko dute.
Eneko Goia hiriko alkateak eta Ane Oyarbide Ekonomia zinegotziak prentsaurrean aurkeztu dute aurreproiektua. Nabarmendu dutenez, "Illunbe hiriak merezi duen erabilera anitzerako pabiloia izango da". Proiektua hastapenetan dagoela zehaztu dute, eta adierazi "ezinbestekoa" izango dela Gipuzkoako Foru Aldundiarekin eta Eusko Jaurlaritzarekin finantzazio akordioa egitea.
Aurreikusi dutenez, "2030a baino lehen" egongo da prest pabilioi berria, eta 66 milioi euroko aurrekontua izango du.
Eraikinari erabilera anitza eman nahi diote Udaleko arduradunek, izan kirol jarduerak, zein kultur arlokoak. Hori horrela, tamaina ertaineko kontzertuak egiteko, jarduera sozialak antolatzeko, baina baita zezenketak egitea ere.
Proiektuarekin Anoetako kirol hiriko inguru guztia berrituko dute. Hartara, sarrera berria egingo dute, bideak aldatu eta Reale Arenarekin lotuko dituzte. Goiaren esanetan, "Illunbera oinez joateko bidea Anoeta kirol hiritik egingo da, high line berri bat sortuta, hau da, kirol hiritik saihesbidearen gainetik oinezkoentzako kalitate handiko pasabide baten bitartez".
Gainera, egun Illunben dagoen bidea mendebalderantz eramango da, eta Illunberen inguruan plaza handi bat egingo dute. Eremu horrek ez du erabilerarik gaur egun, baina etorkizunean ikuskizunetara joaten diren pertsonentzako aisialdigune bilakatuko dute.
Bidea mendebalderantz eramanda, gaur egun dagoen aparkalekua kendu egin beharko dute. Horri aurre egiteko, lurrazpian 1.000 ibilgailu sartzeko aparkalekua eraikiko dute, Realaren partidak ikustera doazen zaleek non aparkatu izan dezaten. Are gehiago, "hirira bisitari kopuru handiak etortzen direnean aldiriko aparkaleku moduan erabili ahal izango da", Oyarbidek zehaztu duenez.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.