Hezkuntza Sailak isuna jarri dio Azpeitiko Iraurgi ikastetxeari, matrikulazioan irregulartasunak egiteagatik
Eusko Jaurlaritzaren Hezkuntza Sailak zigorra ezarri dio Azpeitiko Iraurgi ikastetxeari —Kristau Eskola sareko zentroa da— 2023-2024ko matrikulazio prozesuan irregulartasunak egiteagatik.
Euskal Herriko Agintaritzaren Aldizkariak atzo kaleratutako aginduan zehazten denez, ezarritako isunaren zenbatekoa (ez dute zehaztu zenbat) itzuli beharko dio eskolak Euskal Autonomia Erkidegoko Diruzaintza Nagusiari.
Begoña Pedrosa Hezkuntza sailburuak izenpetutako idatziak dio Ikuskaritza Zerbitzuak "gorabeherak aurkitu" zituela Iraurgiren matrikuletan eta horien berri eman ziola Gipuzkoako Lurralde Ordezkaritzari, "zegokion prozedura" zabaltzeko .
"Matrikularen datuak berrikusita eta adiskidetze-batzordea eratuta", ikastetxeari "zehapena" ezartzea erabaki zuen Hezkuntza Sailak, hezkuntza-itunei buruzko araudia onartzen duen 293/87 Dekretuaren 69., 87. eta 88. artikuluak aintzat hartuta.
Orain, Hezkuntza Sailean aginduaren aurka berraztertze-errekurtsoa aurkezteko aukera du ikastetxeak, hilabeteko epean, eta administrazioarekiko auzi-errekurtsoa ere aurkez dezake EAEko Justizia Auzitegi Nagusian, bi hileko epean.
Hamabost eguneko epean Eusko Jaurlaritzak jakinarazi duen bigarren isuna da honakoa. Duela bi aste inguru, Zarauzko Salbatore Mitxelena Ikastolari 140.000 euroko isuna ezarri zioten, 2023-2024 ikasturtean Haur Hezkuntzako lehen mailan baimendutakoa baino zortzi ikasle gehiago matrikulatzeagatik.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.