17 pertsona etxetik irtenarazi dituzte Donostian, erdigunean sute bat piztu da eta
Donostiako erdiguneko etxebizitza batean gaur arratsaldean piztu den sua amatatzeko lanetan daude oraindik Donostiako suhiltzaileak. Bien bitartean, eraikineko 17 bizilagunak irtenarazi eta hotel batean eman diete ostatu.
Abisua jaso bezain pronto bertaratu dira udaltzainak eta bi anbulatzia. Zorionez, ez da inor zauritu.
Sua San Martzial kaleko eraikin bateko azken solairuan piztu da, eta laster ke-laino handia sortu da.
Etxebizitza hutsik zegoen une horretan, eta hainbat langile garbiketa-lanak egiten ari ziren, barruan tresna asko baitzeuden gordeta, "batez ere zaborra", langileetako batek azaldu duenez.
Udaltzainek babes-hesi bat ezarri dute kaltetu den eraikinaren inguruan, suhiltzaileek segurtasunez lan egin ahal zezaten, batez ere jende ugari gerturatu delako ingurura, sua bertatik bertara ikustera.
Gainera, Udaltzaingoak San Martzial kalearekiko perpendikularra den Etxaide kalea itxi du.
Donostiako Udalak jakinarazi duenez, Gizarte Larrialdietako Udal Zerbitzua hiriko erdiguneko hotel batekin harremanetan jarri da dagoeneko, sutean kaltetutako eraikineko bizilagunen batek ostatu hartzeko behin-behineko tokirik beharko balu ere. Izan ere, eraikineko bizilagun guztiak etxetik atera dituzte. Udal teknikariak ere bildu dira horiekin. Horrela, Donostiako Udalak 10 familiari emango die ostatu hiriko hotel batean, 17 pertsonari guztira.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.