Bi greba egun gehiago izango dira EAEko Hezkuntza sisteman aste honetan, akordiorik ezean
Greba astea izango da Euskal Autonomia Erkidegoko Hezkuntza publikoan berriz ere, aurretik deituta dauden negoziazio bilerek emaitzarik ematen ez badute. Haurreskolen Partzuergoko 1.300 langile inguru daude deituta otsailaren 12 eta 13an grebara, eta astelehen honetan bertan, haurreskolen negoziazio-mahaia bilduko da. Hurrengo egunean sukaldeetako langile eta garbitzaileen mahaiaren txanda izango da.
LAB, STEILAS, ELA eta CCOO sindikatuek 12 eguneko greba zikloa deitu zuten, lan baldintzak hobetzeko negoziazio-mahaietan aurrerapausorik ez zela iritzita. Gaur-gaurkoz ez dute aurreikusten greba bukatu baino lehen akordiorik izango denik.
Urtarrilean egindako sei eguneko grebek jarraipena izango dute, antza, baldin eta astelehenean deituta dagoen negoziazio-mahaian akordiorik erdiesten ez badute sindikatuek eta Haurreskolak Partzuergoak.
Zaila dirudi, ordea, bilera deialdiarekin jasotako azken zirriborroak ez baititu sindikatuak asebete. Hasteko, uste dutelako lan hitzarmenaren beraren iraupena ez dela egokia, horrez gain, ratioak jaitsiko direla, lan-zama arinduko dela eta erosahalmena berreskuratuko dutela bermatu beharko zaie.
Akordiorik ezean, 12 eta 13ko deialdien ondoren, sukalde eta garbiketako langileek egingo dute greba otsailaren 19 eta 20an eta irakasleek otsailaren 26an eta 27an.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.