Juana Rivasek bere semeen mezuak igorri dizkio Italiako Justiziari, tratu txar gertakarien froga gisa
Juana Rivasek, bi semeak Francesco Arcuri aita eta tratu txar emailearengandik babestearren aurrena kartzela zigorra eta ondoren indultu partziala jaso zituen emakume granadarrak, bere semeen audio eta testu mezuak bidali dizkio Italiako Justiziari, tratu txar gertakariak frogatzeko. Egun, amarekin bizi dira bi mutilak Granadan, baina epaileak haien zaintza aitaren esku utzi duenez, baliteke 11 urteko anaia gazteak Italiara itzuli behar izatea. Besteak, 18 urte ditu.
Rivasen abokatuek azaldu dutenez, epailearen esku utzi dituzte orain urte batzuk bi mutikoek amari "laguntza eske" igorritako mezuak. Horietako bat 2019koa da eta Gabriel Arcuri anaietan zaharrenak —mezuak zabaltzeko baimena eman du— amari kontatzen dio "aitak jo" egin duela eta "anaia gazteari buruan kolpe gogor" bat eman diola. "(Aitak) besotik hartu eta hormaren kontra jarri ninduen, eta Daniri gauza bera egin zion. Jantzita zuen kamisetatik heldu eta eskaileretara bota zuen. Bizkarrean min hartu zuen eta lurrean negarrez geratu zen", azaltzen du audioan. Halaber, gazteak kontatzen du aitarengandik irainak jasotzen dituztela eta ez diela uzten amari telefonoz deitzen.
Horien berri eman ondoren, Daniel gaztearen zaintza aitaren esku uztea gogor salatu dute Rivasen abokatuek. Gogora ekarri dute Francesco Arcuri indarkeria matxistagatik zigortuta dagoela Espainian, eta auzipetuta, Italian.
Audio eta testu mezuekin batera, mediku txostenak, lesioen argazkiak eta hainbat lekukoren deklarazioak ere utzi dituzte Italiako zein Espainiako epaileen esku. Abokatuek bereziki nabarmendu dute Daniel gazteak urtarrilaren hasieran Granadako epaile baten aurrean egindako adierazpena. Epaileak "sinesgarritasun osoa" eman zion mutilari, eta "babesteko", behin behinean eten egin zuen hura aitaren zaintzapean uzteko erabakia, harik ere auzia argitu arte.
Zure interesekoa izan daiteke
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.