NASAk ondorioztatu du YR4 asteroidea ez dela mehatxua Lurrarentzat
NASAk jakinarazi duenez, 2024 YR4 asteroidea ez da "mehatxu handia" izango Lurrarentzat 2032an, ezta aurrerantzean ere, azken kalkuluen arabera gure planetarekin talka egiteko probabilitatea minimoa baita.
"2024 YR4 asteroidearen inpaktu-probabilitatea % 0,004ra jaitsi da. 2032an Lurraren ondotik segurtasunez igarotzea espero da", adierazi du NASAk X sare sozialean.
NASAk ohar batean azaldu duenez, asteroideari egindako behaketa berriei esker, Lurretik Gertu dauden Objektuen Ikerketa Zentroko (CNEOS) adituek horren ibilbidearen datu zehatzagoak kalkulatu ahal izan dituzte, eta egiaztatu ahal izan dute ez duela hurrengo mendean Lurrean eragina izateko "potentzial handirik".
"Azken behaketen arabera, are txikiagoa da etorkizuneko ibilbidearen ziurgabetasuna, eta asteroidea 2032ko abenduaren 22an egon zitekeen lekuen tartea Lurretik are urrunago mugitu da", dio oharrak.
Hala eta guztiz ere, 2032an Ilargian inpaktua izateko probabilitatea % 1,7ra igo dela adierazi zuen agentziak, eta "oso txikia" izaten jarraitzen du.
NASAk esan du asteroidea behatzen jarraituko dutela, besteak beste, asteroidearen tamainari buruzko informazioa helburu zientifikoekin lortzeko.
"Asteroide honek jada Lurrari inpaktu arrisku handirik ez dakarkion arren, 2024ko YR4 asteroideak aukera paregabea eman die NASAko adituei eta haiekin lotutako erakundeei planeta defendatzeko zientzia eta jakinarazpen prozesuak probatzeko", dio.
Zure interesekoa izan daiteke
Leon XIV.a aita santua sexu-abusuen biktimekin bilduko da Espainian
Vatikanoak ez du topaketari buruzko xehetasun gehiagorik eman. Aita santuak Madril, Bartzelona, Kanaria Handia eta Tenerife bisitatuko ditu bihartik ekainaren 12ra bitartean.
10 urte geroago, sokamuturrak itzuliko dira Eibarko Untzaga plazara
40 bat elkartek atzerapausoa dela salatu dute, eta elkarretaratzea deitu dute ekainaren 16rako. Herritarren artean, aldeko eta kontrako iritziak daude.
Azken agurra eman diete Iruñean Elgoibarko istripuan hildako bost foruzainei
Maria Chivite presidentea buru, jende andana joan da Iruñeko katedralera, Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont agenteei azken agurra eman eta haien senideak babestera.
Xenpelar auzian Udalak izandako jokabidea berretsi du Errenteriako alkateak Fiskaltzaren aurrean
Aizpea Otaegik agerraldia egin du Adingabeen Fiskaltzaren aurrean, Xenpelar auziaren harira, eta Udalak balizko genero-indarkeria kasuen aurrean egindako kudeaketa babestu du. Azpimarratu duenez, beharrezkoa da lanean jarraitzea biktimak babestu eta antzeko egoerak saihesteko.
Konpondu dira A-8 autobideko zirkulazioa zaildu duten auto-ilarak
Arratsalde korapilatsua izan da A-8 autobidean, Kantabriarako noranzkoan, lau istripu gertatu baitira bideko hainbat puntutan. Trafikoa normaltasunera itzuli da arratsalde erdian, 18:20 aldera.
Errugabe jo ditu epaileak Zestoako gizon baten integritate moralaren kontrako delituengatik epaitutako seiak
Abenduan egin zen epaiketa. Gizonezko batek osotasun moralaren aurkako delitua leporatu zien bikotekide ohiari eta beste bost herritarri, eta espetxe zigorra eta isunak eskatu zituen. Akusatuetako lau neskaren lagunak dira, eta bostgarrena, egun Zestoako alkate den Mikel Arregi. Epaileak absolbitu egin ditu guztiak.
Bilbok minbiziaren aurkako bigarren martxa hartuko du ekainaren 14an
Antolatzaileek espero dute 2.500 pertsona baino gehiago batzea hitzordu solidario horretan. Bizi-ohitura osasungarriak sustatzea izango du helburu, eta minbiziaren prebentzioaren eta ikerketaren garrantziaz kontzientziatzea, bereziki gizonezkoak.
Konponduta daude Lasarte-Orian eta Abanton izandako trafiko eragozpenak
Ostiral goizeko lehen ordua konplikatua izan da euskal errepide sareko puntu askotan, istripuak izan baitira han eta hemen, baina egoera bere onera itzuli da jada denean.
Emakume bat atxilotu eta bi ikerketapean dituzte Gipuzkoan adinekoei bitxiak lapurtu eta 11.000 euro baino gehiagoren truke saltzeagatik
Atxilotutako emakumeak zaintzaile gisa egiten zuen lan adinekoen egoitzetan eta etxebizitzetan, eta bertan lapurtzen omen zituen bitxiak. Ertzaintzak pieza ugari berreskuratu ditu Azpeitian egindako miaketa batean.
Debekuaren aurrean, "haurrei udaldi polit eta lasai bat" eskaintzeko "lanean" ari dela esan du Euskal Udalekuak elkarteak
Elkarteak mezua bidali die udaldia Bernedoko udalekuetan igarotzeko eskaera egin duten 200 familiei, eta azaldu die "abokatuarekin lanean" ari direla haur eta familientzako "aukera eta alternatiba egokienak diseinatzeko". Arabako Foru Aldundiak debekua ezarri ostean Instagram sare sozialean elkarteak duen profilean mezua partekatu du, "triste eta kezkatuta" daudela esanez eta salatuz "legezko betekizun guztiak bete arren" ukatu diotela Dorrekoa elkarteari udalekuak antolatzeko aukera.