Mina arintzea, bihotza edo tentsioa eta osasun mentala zaintzea, botikak hartzeko arrazoi nagusia
Euskal Autonomia Erkidegoko eta Nafarroako 15 urtetik gorako hamar biztanletik seik azken bi asteetan botikaren bat hartu dutela esan dute EITB Dataren azken azterketan.
Botika horiek hartzeko aipatzen diren arrazoi nagusiak hiru dira: mina arintzea, bihotzarekin edo tentsio arterialarekin lotutako arazoren bat izatea eta osasun mentala zaintzea. Adinean gora egin ahala botikak hartzen dituzten pertsonak gehiago badira ere, osasun mentala zaintzekoak adin guztietakoek hartzen dituzte.
Hala, hamar biztanletik hiruk mina arintzeko botikak hartu dituzte. EAEn biztanleen % 29k eta Nafarroan % 32k hartzen dituzte minari aurre egiteko medikamentuak. Bigarren postuan daude bihotza eta tentsio arteriala zaintzeko farmakoak; EAEko biztanleen % 25ek hartzen dituzte, eta Nafarroakoen % 21ek.
Botika mota erabilienen zerrendako hirugarren postuan daude osasun mentalerako hartzen direnak; erlaxatzeko edota lo egiteko pilulak eta antidepresiboak, adibidez. EAEko biztanleen % 17k hartzen dituzte, eta Nafarroakoen % 12k.
Katarroa eta gripea arintzekoak, antibiotikoak, kolesterola jaisteko botikak, urdaila zaintzekoak, diabetesaren aurkakoak eta bitaminak eta mineralak maila baxuagoan hartzen dira.
Adinarekin batera gora
Biztanleria adinean gora doan heinean, medikamentuak hartzen dituzten pertsonen kopuruak ere gora egiten du. EITB Dataren datuen arabera, 55 urte bete arte, biztanleen erdiek baino gutxiagok hartzen dituzte botikak. Hortik gorako adin-taldeetan, kontsumoak gora egiten du, eta adin handiena dutenen artean, 75 urtetik gorako biztanleen % 90ek medikamenturen bat hartzen dute.
Gehien hartzen diren botikak inguruan ohikoenak diren gaixotasun kronikoekin lotuta daude. Lehen Mailako Arretan diagnostikatzen diren hiru arazo kroniko nagusiak kolesterola, hipertentsioa eta osasun mentala dira. Azken horretan sartzen dira antsietatea, depresioa, TOCa, fobiak eta abar, eta deigarria da, buruko gaitzen kasuan, adin guztietako herritarrei eragiten dietela.
Gaitz kroniko horren ondorioz egiten den botiken kontsumoa ere adinarekin zuzenean lotuta dago, gora egiten baitu adinean aurrera egin ahala.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.