Tasa turistikoak gure inguruan: non eta zenbat?
Gaur-gaurkoz tasa turistikoa Estatuko bi erkidegotan besterik ez dago indarrean.
Batetik, Katalunian bisitariek eguneko euro bat eta 3,50 euro artean ordaindu behar izaten dute. Kopurua ostatu motaren araberakoa da. Bildutakoaren % 50 Generalitateak jasotzen du, eta, gainerakoa, tokian tokiko udalak.
Bigarren erkidegoa Balearrak dira. Bertako gobernuak ezarritako tasa da eta hori arduratzen da bildutako dirua kudeatzeaz. Bisitariek eguneko euro bat eta 4 euro artean ordaindu behar izaten dute, han ere ostatu motaren arabera.
Zein momentutan ordaintzen da tasa turistikoa? Ba, erreserba egitean izan daiteke, baina gehienetan check-ina edo check-outa egiteko unean.
Katalunian bada kasu berezi bat: Bartzelona, hiriburua. Han, bi tasa dituzte: Generalitatearena eta udalak ezartzen duen gehigarria.
Udalak turista bakoitzari 4 euro kobratzen dizkio hirian ostatu hartzeagatik. Beraz, Bartzelonara bidaiatzen duen pertsona bat 5 izarreko hotelean egonez gero, tasa turistikoa eguneko 7,5 euro ordaintzera irits daiteke.
Bada beste kasu deigarri bat, Kanaria Handiko Puerto Mogan herrikoa. Kanarietan ez dago tasarik, baina Moganeko udalak berea ezarri berri du. Kasu horretan, bidaiari bakoitzak eguneko 0,15 zentimo ordaindu behar ditu.
Europan, Grezian luxuzko hotel batean gaua igarotzea 10 euroko tasa turistikoa izan lezake. Santorinira itsas-bidaialdian iristea, 20 eurokoa. Erroman tasa hori hiru eta zazpi euro artekoa da. Parisen, kanpina erabiltzeak bi euroko tasa dakar, baina luxuzko ostatuetan tasa turistikoa 16 eurora igo daiteke pertsona eta gau bakoitzeko.
Albiste gehiago gizartea
Iruindarren % 52 ados daude zezenketekin, eta % 46, kontra
Zezenketak nahi dituztenen artean, % 31 erabat ados daude, eta % 20,6 ados. Ezezkoen artean, berriz, % 26,3 ez daude batere ados, eta % 19,3 ez daude ados. Herritarren % 2k ez dute gai horri buruzko iritzirik eman nahi izan.
Nobel satirikoek alkoholari buruzko ikerketa bat goraipatu dute hizkuntzak ikasteko duen paperagatik
Herbehereetako, Erresuma Batuko eta Alemaniako zientzialariek Bakearen Ig Nobel saria eskuratu dute, alkohol dosi txiki batek batzuetan atzerriko hizkuntza bat hitz egiteko gaitasuna hobetzen duela ondorioztatu duen ikerketagatik; dirudienez, alkoholak norberarengan konfiantza handitzen du.
Osakidetzak urrian hasiko ditu Basurtuko ospitaleko kanpo-kontsulten eraikin berriaren obrak
Eusko Jaurlaritzako Osasun Sailak 135 milioi euroko inbertsioa egin du 38.000 metro koadroko azalera izango duen azpiegitura berri horretan. Guztira, 175 kontsulta berri zabalduko dituzte, bi bloketan banatuta. Obra hiru urte barru amaituko dute.
9.900 eurorainoko isunak zazpi akusaturentzat, Aroztegia proiektuaren aurkako hertsapenagatik
Magistratuak akusazioek egotzitako talde kriminaleko delitutik absolbitu ditu auzipetuak; izan ere, “lekukoen eta agirien froga ugari” aztertu ondoren, ezin da egiaztatu talde kriminaleko deliturik dagoenik, horretarako “ezinbestekoa” baita adostasuna.
Egokitutako menuek betiko eraldatu dituzte eskoletako jangelak
Gero eta ohikoagoa da eskola-jantokietan ikasleek dieta bereziak behar izatea, erlijio-arrazoiengatik, intolerantziengatik, elikagai jakin batzuekiko alergiengatik eta bestelako osasun-arazoengatik. Gaur gaurkoz, EAEko ikastetxeetako jangeletan banatzen diren 8 menutatik 1 egokitutakoa da.
Milaka pertsona atera dira gaur kalera Hego Euskal Herrian, Palestinaren alde
Gasteizen, Bilbon eta Iruñean arratsaldeko zazpietan abiatu dira Palestinaren aldeko Borroka Eguna dela eta antolatutako mobilizazioak. Deialdia Gazarako Mugimendu Globalak eta Global Sumud Flotillak egindako nazioarteko ekimenari erantzunez gauzatu da, “Apur dezagun Gazako blokeoa. Defenda dezagun Global Sumud Flotilla” lelopean. Goizean ere, protesta egin dute Gasteizen, Legebiltzarraren kanpoaldean.
Komunitate palestinarrak genozidioaren aurkako manifestazioa deitu du asteazkenerako Zinemaldian
Palestina-Euskal Herria Elkartasun Batzordeak “The Voice of Hind Rajab” filmaren proiekzioa baliatuko du Israelen erasoa eta horren inguruko isiltasun “konplizea” salatzeko Donostiako kaleetan.
Donostiako masajistak ukatu egin ditu sexu-erasoen akusazioak
Fiskaltzak eta akusazio partikularrek 45 urteko kartzela-zigorra eskatu dute akusatuarentzat.
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.