Zigorra murriztu diote adingabe bat bortxatu zuen gizon bati, biktimak nagusiagoa zirudielako
Nafarroako Justizia Auzitegi Nagusiak 13 urtetik 8 urte eta 6 hilabetera jaitsi dio zigorra Burlatan 13 urteko neska adingabe bat bortxatu zuen gizonari, kondenatuak biktima 16 urtetik beherakoa ez zela "arrazoiz" pentsatu zezakeela iritzita.
Zigor Kodean jasotako oker hori ikusita, gertakariak ez dira 16 urtetik beherakoen aurkako sexu-erasoaren delitu gisa hartuko, sexu-eraso delitu gisa baizik, Nafarroako Justizia Auzitegi Nagusiak jakinarazi duenez.
Arlo Zibileko eta Zigor Arloko Salak frogatutzat jo du 33 urteko gizon batek 13 urteko neska bat bortxatu zuela 2023ko abuztuaren 13an, baina, instantzia-auzitegiak ez bezala, ebatzi du kondenatuak "arrazoiz" pentsatu zuela neska ez zela adingabea.
Akats horri Zigor Kodean "tipo-oker" deritzo, eta Salak arestian aipatutakoa ebatzi du, besteak beste, faktore hauek kontuan hartuta: adingabeak froga egin zen unean —bortxaketatik hilabetera egin zen— 1,68 metroko altuera zuen eta 71 kilo pisatzen zituen; gau hartan, 13 urte eta 10 hilabete zituela, 17 urteko neska batekin zegoen; eta lekuko batek, sexu-erasoa egin zen atarira sartzen ikusi zuen auzokideak, adierazi zuen "20 bat urte" izango zituela.
Horrez gain, gertakariak 01:30 aldera gertatu ziren; adingabea "mozkortuta" zegoen; akusatuarekin harremanetan jarri ondoren, musu eman zion; eta hiru preserbatibo zeramatzan soinean, gertakarien egun berean lagunarekin batera eskuratuak. Auzipetuak bazekien hori.
Beraz, auzitegiaren arabera, "guztiz onargarria da okertzea eta epaiketa faltsu bat egitea mota horretako inguruabar horri buruz, hau da, 16 urtetik beherako adingabe bat zela uste izatea eta zalantzan jarri ez izana adin hori baino gutxiago zuela edo izan zezakeela".
Salaren esanetan, Foruzaingoko atestatuko instruktoreak esan zuen auzipetuarekin eta adingabearekin batera atarian sartu zen auzokide batek adierazi zuela 20 urte inguru izango zituela.
Lekukoak esandakoa eta adingabea 17 urteko lagun batekin zegoela kontuan hartuta, Auzitegiak azpimarratu duenez, "ez da zentzugabea pentsatzea auzipetuak ez zuela zalantzan jartzen 16 urtera iristen ez zen neska gazte baten aurrean egon zitekeenik".
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.