Gasteizek eta Barakaldok epaile plaza bana gehiago izango dute emakumeen aurkako indarkeriari aurre egiteko
Espainiako Gobernuak Botere Judizialaren Kontseilu Nagusiari (BJKN) bidali dio emakumeen aurkako indarkeriaren arloko epaile eta magistratuen plazak 53 gehiago izatea aurreikusten duela, horietako bat Gasteizen eta bestea Barakaldon. Urritik aurrera epaitegi horiek beren gain hartu beharko dituzten eskumen berriei aurre egitea da helburua, hala nola sexu-indarkeriaren delituei.
Justizia Ministerioko iturriek baieztatu dutenez, zirriborroak emakumeen aurkako indarkeriaren atal berrietan 53 epaile gehiago egotea aurreikusten du.
Igoera horren zatirik handiena plaza berriak sortzeari dagokio (39), eta gainerakoa, Gasteiz eta Barakaldo hirienak tartean, instrukzio-plazak emakumearen aurkako indarkeriako plaza bihurtzean datza (14).
Gainera, Genero Indarkeriaren Sentsibilizaziorako eta Prebentziorako Plan Nazionalaren arabera, 39 epaile-plaza sortzeak atal berrietan espezializatutako fiskalen beste 39 plaza sortzea dakar.
Gobernuak, halaber, Botere Judizialaren Kontseilu Nagusiari eskatu dio jakinaraz diezaiola zein epaitegitan beharko liratekeen epaile indargarriak, aurreikusitako epaile kopurua bete arte. Botere Judizialaren gobernu-organoak horren berri eman ondoren, Gobernuak laguntza horiek onartuko ditu.
Justiziaren eraginkortasunari buruzko legearen arabera, emakumearen aurkako indarkeriaren arloko epaitegiek izapidetuko dituzte, urritik aurrera, sexu-indarkeriako kasu guztiak, eta ez bikotearen esparruan gertatzen direnak bakarrik, orain arte gertatzen zen bezala.
Delitu horien artean daude, adibidez, sexu-esplotaziorako salerosketa, nahitaezko ezkontzak, emakumeen mutilazio genitala edo sexu-jazarpen kasuak.
Zure interesekoa izan daiteke
Arguedasko Udalak elkarretaratzea deitu du astearterako, hilketa matxista salatzeko
Zabaldutako oharrean, Udalak "irmo" gaitzetsi du gertatutakoa, eta biktimaren gertukoei "elkartasuna eta babesa" helarazi dizkie, "sufrimendu handiko" une honetan. .
Chivitek erabat gaitzetsi du Arguedasen izandako ustezko hilketa matxista
Foruzaingoa udalerri horretan emakume baten heriotza ikertzen ari da, ustezko krimen matxista gisa, eta haren bikotekidea atxilotu dute, ustezko hilketa gisa.
Global Summud Flotillan atxilotutako 100 lagunetatik lau euskal herritarrak dira eta gose-greba hasi dute
Gazara zihoan beste flotilla bateko itsasontziak atzeman ditu Israelgo Armadak gaur goizean. Euskal Herrian zein Europako hainbat tokitan protestak antolatu dituzte "Flotilla ez da ukitzen" lelopean.
'Bi ilunabarreko eguna', abuztuko eguzki eklipseari buruzko erakusketa, ireki dute Bergaran
Egun seinalatua iristen denean herritarrek "ekitaldia ulertu eta gozatu" ahal izateko, eklipsea modu didaktiko, irisgarri eta erakargarrian azaltzen du.
Gizon batek 44 urteko emaztea hil du Arguedasen
Atzo iluntzean izan ziren gertakariak. Guardia Zibilak gizona atxilotu du, genero indarkeriarekin lotutako homizidio delitua leporatuta.
Bi gizon atxilotu dituzte Gasteizen, bikotekideei erasotzeagatik, horietako bat 14 urtekoa
Bi gertakariak larunbatean izan ziren, eta 19 eta 25 urteko bi atxilotuei tratu txarrak eta lesio-delituak leporatu dizkiete, hurrenez hurren.
Eusko Jaurlaritzak ziurtatu du ez dagoela "ebidentzeriarik" Petronorrek osasun publikoari kalte egiten diola esateko
Osasun Publikoko zuzendariaren arabera, "datu asko" dituzte eskuartean, eta horietako bakar batek ere ez du erakusten Petronorrek Muskizen duen plantak inguruko bizilagunen osasunari kalte egiten dionik.
Nelson Davidek 73 urteko gizona itota hil zuela ondorioztatzeko zantzuak daudela esan dute auzitegiko medikuek
Biharko saioan, aldeek euren txostenak eta ondorioak aurkeztuko dituzte. Aurreikuspenen arabera, asteazkenean amaituko da epaiketa, herri-epaimahaiaren ebazpenarekin.
Lukas Agirreren hilketan erabili zuten labana "oso arriskutsua" zela nabarmendu du polizia zientifikoak
Ertzaintzako polizia zientifikoaren agenteek krimena gertatu zen lekua ikuskatu zuten, eta haien deklarazioa izan du ardatz epaiketaren zazpigarren saioak.
Laura jaitsi da "Ambition" ontzian gastroenterisak jota bakartutakoen kopurua
Kanpo-osasun departamentuko langileek kaltetutako ontzia aztertu dute goizean, eta, hasiera batean 18 baziren ere gastroenteritis arruntak jota zeudenak, ikuskapenaren ondoren murriztu egin da kopurua, eta lau daude orain bakartuta. Ontzia arratsaldean atzera itsasoratzea esepero da, bidaian jarraitzeko, Frantziarantz.