"Horia da/Ez da horia" kanpaina, edukiontzi horira botatzekoak direnak eta ez direnak hobeto identifikatzeko
Bizkaiko Foru Aldundiak "Horia da/Ez da horia" kanpaina jarri du abian ontzi arinak ahalik eta ondoen biltzeko, ahalik eta akats gutxien egin dezagun. Ekimenak azoka ibiltari bat, antzerki-ikuskizunak eta gailu mugikorretarako joko bat ekarriko ditu.
Hondakinen kudeaketako arazo nagusietako bat da edukiontzi horiara zer bota behar den nahasten dela askotan. 22.179 tona ontzi arin bildu ziren 2024an, baina edukiontzi horien edukiaren % 21 gaizki sailkatuta dago. Bizkaiko Foru Aldundiak ehuneko hori murriztu nahi du informazio-kanpaina honen bidez.
Elixabete Etxanobe diputatu nagusiak eta Arantza Atutxa Natura Ingurune eta Nekazaritza diputatuak hondakinak hobeto bereizi behar direla azpimarratu dute. "Funtsezkoa da ondo birziklatzea, prozesua optimizatzeko eta ingurumen-inpaktua murrizteko", adierazi du Etxanobek.
"Hondakin Go!" da nobedadeetako bat, hondakinak behar bezala sailkatzen dituzten erabiltzaileak saritzen dituen gailu mugikorretarako jokoa. Jokalari onenek 600 eurorainoko opari-txartelak irabazi ahal izango dituzte, Bizkaiko Koopera Store sareko dendetako produktuen truke.
Bestalde, "Bizkairezikla" tresna digitalari esker, herritarrek kontsultatu ahal izango dute non utzi 6.000 hondakin mota baino gehiago. Ekintza horien bidez, Bizkaiko Foru Aldundiak birziklapenarekin eta iraunkortasunarekin duen konpromisoa indartu nahi du.
Kanpainak azoka ibiltari bat ekarriko du, eta Bizkaiko 12 udalerri bisitatuko ditu abuztuaren 30era arte. Bertan, hiritarrek birziklatzeari buruzko jarduera interaktiboetan eta tailer praktikoetan parte hartuko dute. Antzerki-ikuskizunak ere egingo dituzte kalean, kontzientziazio-mezua indartzeko.
Azoka ibiltariaren datak:
Bilbo: apirilak 2
Barakaldo: apirilak 12
Bilbo (Itsasmuseum): apirilak 26
Zalla: maiazak 10
Mungia: maiatzak 24
Basauri: ekainak 7
Santurtzi: ekainak 21
Durango: uztailak 5
Erandio: uztailak 19
Bermeo: abuztuak 2
Plentzia: abuztuak 16
Lekeitio: abuztuak 23
Sopela: abuztuak 30
Albiste gehiago gizartea
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.
CIC bioGUNEren ikerketa batek gibeleko minbizi arraro eta oldarkor bat tratatzeko bide berri bat aurkitu du
Aurkikuntzek iradokitzen dutenez, zelulen barruan magnesioa garraiatzeaz arduratzen den CNNM4 proteinaren blokeoak tratamendu zuzen, seguru eta eraginkorra eskain lezake, minbizi horren aurkako terapia pertsonalizatuetarako bide berriak irekiz.