Beste gertaera batengatik absolbitu egin dute Gasteizen gazte bat hiltzea egozten dioten dantzalekuko atezaina
Pasa den otsailean Gasteizen 31 urteko mutil bat hiltzea egozten dioten Mitika diskotekako atezaina absolbitu egin dute, 2023an jazotako beste gertaera batengatik. Garai hartan Glass pubeko atezaina zen, eta, eztabaida baten ondotik, pertsona bat arin zauritu zen.
Salatutako gertaerak 2023ko apirilaren 9an gertatu ziren Gasteizko Glass diskotekaren atarian. Epailearen arabera, "arrazoizko zalantzak" daude eta, hortaz, ez dago argi zauria nola egin zuen.
Orduko hartan, atezainak eta bezeroak eztabaida izan zuten eta azken horrek lesio arinak izan zituen. Zehazki, bekainean ebakia egin zuen eta puntuak eman behar izan zizkioten.
Pasa den martxoaren 12an Gasteizko Zigor arloko 2. zenbakiko auzitegiak egindako epaiketan, zauria nola egin zuen argitu nahian aritu ziren. Zauria atezainak emandako muturreko edo kolpe batek eragin ziola adierazi zuen salatzaileak eta atezainak, bere aldetik, mozkor zegoelako lurrera erori zela azpimarratu zuen.
Epailearen absoluzio epaian irakur daitekeenez, salatzailearen bertsioak "zalantzak" eragiten ditu, besteak beste, ezin izan zuelako zehaztu akusatuak eman ziola kolpea. Azaldu zuenez, buelta eman zuen momentuan jaso zuen kolpea.
Magistratuak gaineratu duenez, salatzaileak ezin izan zuen zehaztu kolpea non eman zioten, buruan edo bizkarrean, eta ez zuen jakin esaten lurrean zerbaiten kontra jo zuen ala ez.
Hori guztia dela eta, gertaturikoaren inguruko "arrazoizko zalantzak" daudela uste du epaileak.
Epaia ez da irmoa eta aldeek helegitea aurkeztu dezakete Arabako Lurralde Auzitegian.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.