Normaltasuna nagusi euskal errepideetan, goizean eta eguerdian izandako ilarak amaituta
Aste Santuko Irteera Operazioaren bigarren eguna da gaurkoa, eta ohikoa denez, ilarak sortu dira trafiko gehien izaten duten lekuetan: A-8an, Bizkaia eta Kantabria artean; Armiñongo lotunean (A-1ak eta AP-1ak bat egiten duten lekuan), eta AP-8an, Gipuzkoan, Ipar Euskal Herriko mugan.
Pilaketa gehien A-8 autobidean sortu dira, Kantabrian (139 eta 124 kilometroen artean) eguerdian izan den istripu bat tarteko. Ilara luzeak sortu dira Kantabriarako noranzkoan, 15 kilometrotik gorakoak. Ertzaintza bertaratu da trafikoa kudeatzeko eta gertatutakoari buruzko informazio gehiago biltzeko. 15:00etarako, trafikoa normaltasunera bueltatu da puntu horretan.
Armiñonen (Araba) ere sortu dira arazoak, AP-1 eta A-1 errepideek bat egiten duten tokian, Madrilerako noranzkoan. 13:30erako konponduta zeuden.
Bestalde, 13:30ean auto-ilara luzeak (7 bat kilometro) zeuden oraindik AP-8an, Irunen, Baionarako noranzkoan. Apurka-apurka, pilaketak arintzen joan dira, eta 15:45erako 3 kilometrorainokoak ziren eta 16:35erako amaituta zeuden ilarak.
Zarauzko ordainlekuan, AP-8an, bi kilometroko auto-ilarak egon dira, Irungo noranzkoan. Horiek ere konpondutzat eman ditu Segurtasun Sailak.
Halaber, gutxienez hiru kilometroko auto-ilarak sortu dira A-15 errepidean, Villabonan, Iruñerako noranzkoan. Zehazki, 153. kilometroan. Baina 13:45erako, trafikoa bere onera etorri dela jakinarazi du Segurtasun Sailak.
Irteera operazioa
AP-8 autobidean zortzi kilometroko auto-ilarak izan ziren atzo Irunen (Gipuzkoa), Baionarako noranzkoan (Lapurdi), eta A-1 autobian, Armiñonen (Araba), Burgoserako noranzkoan, bost kilometrokoak.
Era berean, A-15 autobian, Andoainen (Gipuzkoa), Iruñerako noranzkoan, 1-2 kilometroko ilarak izan ziren.
Bestalde, bi pertsona zauritu ziren arratsaldeko seiak pasatxo zirenean, autoa A-1 errepidetik aterata, Olaberria parean, Altsasurako noranzkoan, Segurtasun Sailak jakitera eman zuenez.
Istripuaren ondorioz, N-1 errepideko ezkerreko erreia itxi behar izan zuten, eta, ondorioz, arratsaldeko zazpietan bi kilometroko auto-ilarak zeuden. Bi zaurituak Zumarragako ospitalera eraman zituzten.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.