Talde kriminal baten bederatzi kide atxilotu dituzte Bizkaian, 70 lapurreta baino gehiago egitea leporatuta
Bizkaia, Araba, Kantabria eta Burgoseko hainbat tokitan lapurretak egiten zituen talde kriminal bat desegin du Guardia Zibilak. Halaber, 24 pertsona atxilotu ditu, horietatik 9 Bizkaian (Sestao, Barakaldo, Basauri eta Bilbo) eta 15 Kantabriako Ramales de la Victoria udalerrian.
Espainiako Barne Ministerioak astelehen honetan zabaldu duen informazioaren arabera, gaur-gaurkoz, 24 saltokitan lapurretak egitea (estankoak, tabernak eta tailerrak), ibilgailuak lapurtzea eta argindarrarekin iruzurra egitea leporatzen diete. Hala ere, 70 lapurreta baino gehiago egin dituela uste dute.
Ikerketa pasa den otsailean abiatu zuten, Kantabria ekialdean —Ramales de la Victoria inguruan— eta erdialdean ondarearen aurkako delituak ugaritu zirela jabetuta.
Estanko edo saltoki batean lapurreta egiten zuten gauean bertan autoak ere lapurtzen zituzten inguruko udalerrietan, ikertzaileek egiaztatu dutenez. Are gehiago, hainbat ibilgailu erabiltzen zituzten lapurretak egiteko, eta ondoren ihes egiten zuten. Metodo hori erabilita, identifikatzea eta atxilotzea eragozten zuten.
Indarra erabilita saltokietako ateak eta kristalak hausten zituzten eta minutu bakar batean tabako kaxa ugari lapurtzen zituzten —50.000 euroko balioa zuten tabako kaxak, esaterako—.
Halaber, ikerketak aurrera egin ahala egiaztatu zuten Kantabrian ez ezik, antzerako lapurretak egin zituztela Araban, Bizkaian eta Burgosen.
Talde kriminalaren zati bat Ramales de la Victoriako eraikin okupatu batean bizi zen, eta beste zati bat Bizkaiko hainbat udalerritan.
Azkenean, apirilean atxiloketak eta miaketak egin zituzten modu koordinatuan Kantabrian (hamabost pertsona atxilotu dituzte) eta Bizkaian (bederatzi pertsona atxilotu dituzte).
Albiste gehiago gizartea
Getxoko Areetako hondartza hustu dute lehergailu bat izan zitekeen objektu bat agertu ostean
Pertsona batek "objektu herdoildu bat" aurkitu du itsasertzean, 10:30ean, eta abisua eman du. Ertzaintzako artezilariek ezingo dute ezer egin gauean marea jaitsi arte. Hori dela eta, Ertzaintzak eta Getxoko Udaltzaingoak hondartza itxita izango dute.
Fiskaltzak zazpi urteko tratamendu psikiatrikoa eta inhabilitazioa eskatu du Kabiezeseko erizainarentzat
Alberto Martinez Osasun sailburuak ziurtatu duenez, Osakidetzak pertsona bat jarri zuen Santurtziko Kabiezes osasun zentroan txertaketak simulatzea egotzita epaitu duten erizaina "zaintzen", gertatzen ari zenaren berri izan bezain laster, lehen kexak jaso ondoren.
Robert Treviñok auzitara eraman du Euskadiko Orkestra, kaleratzeagatik
Euskadiko Orkestraren Administrazio Kontseiluak urtarrilean erabaki zuen Treviño zuzendari artistikoaren eta Roch orkestraren zuzendari nagusiaren zikloari amaiera ematea.
2023an Tolosako inauterietan foam pilotakada batek zauritutako gaztearen auzia berriz irekitzeko agindu dute
Gipuzkoako Probintzia Auzitegiak iaz artxibatutako auzia berriro irekitzeko agindu dio Tolosako Instrukzioko 1 zenbakiko Epaitegiari. Bere ustez, beharrezkoa da beste eginbide batzuk egitea Ertzaintzaren foam-pilotakada batek zauritutako gaztearen kasuan.
Hiru urteko kartzela zigorra ezarri diote entrenatzaile bati Barakaldon, hiru adingaberi sexu erasoak egiteagatik
Pauldarrak futbol taldean 20 urte zeramatzan gizonari zera egotzi diote: adingabeei sexu-erasoa egitea, exhibizionismoa eta osotasun moralaren aurkako delitua.
Barakaldon entrenatzaile baten sexu-erasoak jasan dituzten nesken abokatua: "Pozik gaude epaiarekin, ez dugu helegiterik aurkeztuko"
Bizkaiko Auzitegiak hiru urteko kartzela-zigorra ezarri dio Barakaldoko Pauldarrak futbol taldeko entrenatzaile bati, 14 eta 15 urte bitarteko lau jokalariri sexu-erasoa egiteagatik. Juan Carlos Soto salaketa jarri duten familien abokatuak azpimarratu duenez, "beste frogarik ez egon arren, epaileak sinesgarritasuna eman die adingabeen testigantzei".
Iruindarren % 52 ados daude zezenketekin, eta % 46, kontra
Zezenketak nahi dituztenen artean, % 31 erabat ados daude, eta % 20,6 ados. Ezezkoen artean, berriz, % 26,3 ez daude batere ados, eta % 19,3 ez daude ados. Herritarren % 2k ez dute gai horri buruzko iritzirik eman nahi izan.
Nobel satirikoek alkoholari buruzko ikerketa bat goraipatu dute hizkuntzak ikasteko duen paperagatik
Herbehereetako, Erresuma Batuko eta Alemaniako zientzialariek Bakearen Ig Nobel saria eskuratu dute, alkohol dosi txiki batek batzuetan atzerriko hizkuntza bat hitz egiteko gaitasuna hobetzen duela ondorioztatu duen ikerketagatik; dirudienez, alkoholak norberarengan konfiantza handitzen du.
Osakidetzak urrian hasiko ditu Basurtuko ospitaleko kanpo-kontsulten eraikin berriaren obrak
Eusko Jaurlaritzako Osasun Sailak 135 milioi euroko inbertsioa egin du 38.000 metro koadroko azalera izango duen azpiegitura berri horretan. Guztira, 175 kontsulta berri zabalduko dituzte, bi bloketan banatuta. Obra hiru urte barru amaituko dute.
9.900 eurorainoko isunak zazpi akusaturentzat, Aroztegia proiektuaren aurkako hertsapenagatik
Magistratuak akusazioek egotzitako talde kriminaleko delitutik absolbitu ditu auzipetuak; izan ere, “lekukoen eta agirien froga ugari” aztertu ondoren, ezin da egiaztatu talde kriminaleko deliturik dagoenik, horretarako “ezinbestekoa” baita adostasuna.