Itzalaldia zibererasoa izan ote zen ikertzeko prozesua sekretupean jarri du epaileak
Joan den astelehenean penintsulari eragin zion itzalaldi elektrikoa azpiegitura kritikoetan egindako sabotaje informatikoa izan ote zen ikertzeko abiatutako auzia sekretupean jarri du Jose Luis Calama Auzitegi Nazionaleko epaileak. Ikerketak hala izan zela ondorioztatuko balu, gertatutakoa terrorismo-delitu sailkapenaren barruan sartuko litzateke.
Fiskaltzak eskatuta jarri du sekretupean epaileak. "Gertakarien izaera eta inguruabarrak kontuan hartuta" egin zuen ikerketaren aurrerapausoak isilean gordetzeko eskaria.
Doktrina aztertu ondoren Calamak autoan azaldu duenez, sekretupekoa izatearen helburua da "ikerketaren emaitza modu larrian arriskuan jar dezaketen egoerak prebenitzea". Bere hitzetan, sekretupean egonda bakarrik eragotz daiteke "ikerketa oztopatzeko eta haren helburuak zapuzteko interferentziak edo manipulazioak eragin ahal izatea, kontuan hartuta funtsezko zerbitzuen segurtasuna arriskuan jar dezakeen informazioa egon daitekeela".
Epaileak ofizioz erabaki zuen ikerketa hori abiaraztea. Oraingoz, hilabetez egongo da sekretupean, baina luzatzerik izango da.
Ikerketa hastea erabakitakoan, Espainiako kriptologia zentroari eta Red Electricari txosten bana egiteko eskatu zien, bertan itzalaldia eragin zuten arrazoiak adieraz zitzaten. Horrez gainera, Polizia Nazionaleko informazio komisariara ere jo zuen, gertakariei buruzko txosten bat eskatzeko.
Hasierako autoan azaldu zuenez, asteleheneko 12:30ak aldera izandako gertakariak "gizarteari funtsezko zerbitzuak (osasuna, energia, industria edo garraioa) ematen dizkioten azpiegiturei eusten dieten sistema informatikoei eragin zien", eta horrek "egoera kritikoa ekarri zuen herritar guztien ongizaterako eta segurtasun-sentimendurako".
Era berean, Zigor Kodearen 573. artikulua aipatu zuen. Artikulu horren arabera, delitu informatikoak terrorismotzat jo daitezke, helburua konstituzio-ordena edo funtsezko zerbitzuen funtzionamendua modu larrian ezegonkortzea izanez gero.
Ikerketa horren emaitzaren zain, oraingoz, Red Electricak baztertu egin du itzalaldia bere instalazioen kontrako zibereraso batek eragin izana, eta hornidura eten aurretik bi sorkuntza-galera independente izan direla adierazten du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.