Atletico Madrileko ultra talde batek istiluak eragin ditu Gasteizen, eta autobusez itzuli dituzte Madrilera
Atletico Madrileko ultra talde batek (Frente Atleticokoak, antza) istiluak sortu ditu gaur goizean Gasteizen. Dirudienez, jarraitzaile ultrek hainbat objektu jaurti dituzte eta materiala apurtu dute Gasteizko taberna batean. Gertatutakoaren ostean, autobusez itzuli dituzte Madrilera, Segurtasun Saileko iturriek baieztatu dutenez. Eguerdian jokatuko dute Alavesek eta Atletico Madrilek Mendizorrotzan.
Ultra taldea Alavaseko jarraitzaileak biltzen diren taberna batera joan omen da goizeko lehen orduan. Tabernako jabeak lokala irekitzera joan direnean, terrazako altzariak botata zeudela eta ingurua zikinduta zegoela ikusi dute.
Ertzaintzak plaza batera eraman ditu Atletico Madrileko jarraitzaileak. Bertan denbora batez izan ondoren, Madrilera itzuli dituzte, autobusez.
Polizia autonomikoak goizeko lehen ordutik esku hartu du liskarrak saihesteko, eta ultrak identifikatu ditu. Gainera, hainbat material konfiskatuko diete: banderak eramateko makilak (PVCzkoak), egurrezko makilak, aurpegia estaltzekoak, espraiak, hatz-koskorrak babestuta dituzten eskularruak, galtzerdietan sartutako errodamendu metalikoak eta abar.
Talde bisitariaren segurtasun-arduradunekin eta gainerako poliziekin koordinatuta, eta jarrera bortitz horiek ikusita, Madrilera itzuli dituzte, autobusez. Autobusak Arabatik atera direnean, Guardia Zibila arduratu da horietaz.
Identifikatutako pertsona horiei aktak irekiko dizkiete, eta Kirolaren Legeak jasotzen duenez, horiek zigortzeko proposamenak abiatuko dituzte.
Ertzaintzaren dispositiboak indarrean jarraitu du.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.