Herritarren ia % 60k uste dute Espainiako Gobernuak itzalaldian emandako informazioa ez zela nahikoa izan
Herritarren % 59,6ren ustez, apirilaren 28ko itzalaldian Espainiako Gobernuak emandako informazioa "ez zen nahikoa izan", Ikerketa Soziologikoen Zentroak (CIS) larunbat honetan argitaratutako inkestaren arabera.
Galdetutakoen % 28,4k, berriz, uste dute Gobernuak emandako informazioa nahikoa izan zela. Inkesta apirilaren 29an eta 30ean egin zuten, 47 probintziatan telefonoz egindako 1.752 elkarrizketaren bidez, eta % 2,4ko errore-marjina du.
Gobernuak emandako informazioa modu negatiboan baloratu dutenen artean, itzalaldiaren arrazoiei buruzko azalpen gehiago espero zituzten % 38,4k; % 26,3k, berriz, argia noizko itzuliko zen jakin nahi zuten, eta % 24,1ek azkartasun handiagoa eskatu dute agerraldi ofizialetan.
Itzalaldiaren eragin pertsonala esanguratsua izan zen: % 24,3ren aburuz, eragina "handia" izan zen; % 28,1en ustez, "nahikoa"; % 33,4k esan dute eragin "txikia" izan zela, eta % 12,8k, ez zutela eraginik nabaritu.
Etenaldi elektrikoan izandako emozioei dagokienez, inkestatuen % 21,5ek aitortu dute uneren batean beldurra sentitu zutela, eta % 78k, berriz, ez.
Herritarren % 62,1ek etxeko elektrizitate falta nabaritu zuten gehien, baina telefonoak erabiltzeko ezintasuna (% 55,5) eta Internet falta (% 26,3) nabaritu zuten gehien beste batzuek.
Inkestatuen % 62,1ek irratira jo zuten itzalaldiaren inguruko informazioa jasotzeko. Larrialdiei aurre egiteko prestakuntza mailari dagokionez, % 53,5ek esan zuten badakitela Europar Batasunak etxean larrialdietarako kit bat izateko gomendioa eman zuela, baina % 34,3k soilik zuten halako bat itzalaldia izan aurretik.
Prebentzio-neurriei dagokienez, herritarrek lehentasunezkotzat jotzen dute sare elektrikoa modernizatzea (% 44,2), azpiegitura kritikoetan inbertitzea (% 41,7) eta zerbitzu publikoetan sorgailuen kopurua handitzea (% 32,6).
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.