Gipuzkoako farmaziek kasuak detektatu eta gizarte-zerbitzuetara bideratuko dituzte
Gipuzkoan dauden 288 farmaziak lurraldeko udalekin kalteberatasun-kasuak eta arazo soziosanitarioak detektatzeko lanean arituko dira aurrerantzean. Bakardadea edo isolamendua, narriadura kognitiboa edo funtzionala, indarkeria matxista, familia barrukoa edo tratu txarrak detektatuko dituzte eta gizarte-zerbitzuetara bideratuko dituzte.
"Hitzarmen honen bidez, farmaziak udaletako gizarte-zerbitzuen funtsezko aliatu bihurtuko dira, horiek baitira baliabideen eta prestazioen euskal sisteman sartzeko atea", adierazi du Esther Apraiz Eudeleko presidenteak. Nabarmendu duenez, Gipuzkoako herri eta hiri guztiek dute establezimendu horietako bat gertu, eta, hemendik aurrera, arazo soziosanitarioak detektatzeko "radar gisa balioko dute".
Nabarmendu duenez, farmaziek "sendagaiak emateaz gain, bizilagunekin etengabeko harremanetan daude eta eguneroko lanean" udaletako gizarte-zerbitzuek artatu ditzaketen kasuekin topo egiten dute.
Miguel Ángel Gastelurrutia Gipuzkoako Farmazialarien Elkargo Ofizialeko presidenteak zehaztu duenez, farmazialariek detektatu eta deribatu ditzaketen kalteberatasun-egoeren artean, hauek daude: bakardade- eta isolamendu-kasuak laguntzarako sare sozial edo familiar txikia edo nulua duten pertsonengan, edo autonomiaren galera edo mendekotasun-arriskua hautematen dutenean, narriadura kognitiboaren, muga funtzionalen edo elikadura eta higiene desegokien ondorioz.
Albiste gehiago gizartea
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.