Euria eta ekaitzak direla eta, alerta eta abisuak aktibatu dituzte larunbat honetarako Euskal Herrian
Giro petrala dator astebururako, euria, kazkabarra eta ekaitza espero baitira.
Eusko Jaurlaritzako Segurtasun Sailak abisu horia aktibatuko du larunbat honetan, 13:00etatik 21:00etara, Araban, Bizkaian eta Gipuzkoan. Aemet Espainiako meteorologia agentziak abisu horia ezarriko du euriagatik Nafarroa iparraldean eta Pirinioetan. Nafarroa erdian eta hegoaldean, berriz, alerta laranja ezarriko du. Azkenik, Meteofrancek abisupean jarri du Pirinio Atlantikoak departamendua (hor dago Ipar Euskal Herria), 13:00etatik 21:00etara.
Gaur, ostirala, eguraldi nahasia izango da nagusi. Goizean, hodeiarteak eta lainoak tartekatuko dira, baina gutxi iraungo du lasaitasunak, eguerditik aurrera (zenbait tokitan lehenago) zaparradak botako baititu. Ipar ukitua hartuko du haizeak, eta arratsalderako prezipitazio mardulak eta aro trumoitsua iragarri dituzte. Tenperaturak 18 graduren bueltan egongo dira.
Larunbatean, erruz botako du euria, eta ekaitza izateko aukera handituko da, batez ere eguerditik aurrera. Txingorra ere egin dezake. Goizean, uneka, aterkia ixteko beta izango dugu, nahiz eta orduan ere ez den baztertzen zaparradaren bat edo beste egitea.
Dena den, arratsaldean iritsiko da denboralearen okerrena. Trumoitsua, euritsua eta haizetsua izango da larunbat arrats-iluntzea. Tenperatura, baina, epela izango da egun osoan, erreka haizeari esker. 20 gradutik gora igoko dira termometroak han-hemen.
Igandea ere, egun ezegonkorra izango da. Zaparrada handienak egunaren bigarren zatian botako ditu, eta ekaitza egiteko arriskua egongo da. Halere, larunbatean baino euri gutxiago egingo du. Tenperaturak koska bat egingo du behera, eta beroenak 18-19 gradukoak izango dira.
Kontsulta ezazu eguraldiaren iragarpena eta bidali argazkiak eta bideoak eitb.eus-era.
Zure interesekoa izan daiteke
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.