Euskal gotzainek Leon XIV.aren "lasaitasuna", "eskarmentua" eta diskrezioa nabarmendu dute
"Habemus papam" iragarpenaren biharamunean, Bilboko, Donostiako, Gasteizko eta Iruñeko elizbarrutiak Robert Francis Prevost Leon XIV.aren inguruan mintzatu dira, pozik egin ere.
Joseba Segura Bilboko apezpikuak aitortu duenez, "pozez eta sorpresa apur batekin" hartu du hautua, eta konklabearen "azkartasuna" goraipatu du. "Batzuek zatiketa zegoela esaten zuten, baina argi geratu da Leon XIV.ak babes handia zuela", azaldu du.
Bilboko Gotzaindegiaren egoitzan kazetarien aurrean egindako adierazpenetan, aita santu berriaren erronkez aritu da. Horren ustez, Leon XIV.ak "batasuna eta bakea" defendatu beharko ditu. Horretarako lagun izango omen du bere izaera; izan ere, "Frantziskoren inpultsibotasunaren aurrean, buruzagi lasaiagoa" ikusten du Segurak.
Bestalde, Juan Carlos Elizalde Gasteizko gotzainaren esanetan, Leon XIV.a "artzain ona da, eskarmentu handikoa eta berebiziko gizatasuna duena". Iaz ezagutu zuela esan du, eta Frantziskoren ildokoa izango dela azpimarratu. "Oso mezu inklusiboa du", erantsi du.
Radio Euskadiko "Boulevard" saioari eskainitako elkarrizketa batean azaldu duenez, iazko udan egon zen Robert Francis Prevostekin. Ordubetez hitz egin zuen berarekin, eta "Gasteizko elizbarrutiaren nondik norakoak eta beharrak" partekatu zituen berarekin. Hitzordu hartan, Leon XIV.ak "Espainiako eta Hego Amerikako Eliza zein ondo ezagutzen zuen" egiaztatu ahal izan zuen Elizaldek.
Florencio Rosello Iruñeko artzapezpiku eta Tuterako gotzainaren iritzian, Eliza katolikoa "zorionekoa" da Leon XIV.aren izendapenarekin. "Elkarrizketarako irekia da, gizon hurbila eta diskretua", adierazi du.
Elizaldek bezala, Rosellok ere ezagutu zuen, Erroman. Migrazioari eta emakumeen parte hartzeari dagokionez, aita santu berriak Frantziskoren ildoari jarraituko diola uste du.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.