Osakidetzako erizainek 450.000 prozesu arin artatu zituzten 2024an, 2019an baino sei aldiz gehiago
Osakidetzako Erizaintzako profesionalek 450.000 prozesu arin (katarroak, eztarriko minak, goragaleak eta gorakoak, besteak beste) artatu zituzten 2024an, 2019an baino sei aldiz gehiago, Eusko Jaurlaritzako Osasun Sailak Erizainen Mundu Egunarekin bat eginez astelehen honetan zabaldutako datuen arabera.
Osasun Sailak eta Osakidetzak erizainek osasun sistema publikoan duten zeregina aintzatetsi nahi izan dute, bereziki "Lehen Arretan, patologien % 80 bertan konpontzen baitira".
2019an Osakidetzak eredu berri bat jarri zuen abian Lehen Arretan, arreta hobetzeko eta kontsultara joateko itxaronaldiak murrizteko. Eredu berri horren zutabeetako bat erizainaren rola indartzea da, hain zuzen ere.
"Eredua ezarri arte familiako medikuntzako kontsultetan artatzen ziren prozesu arinak erizaintzako profesionalek ebazten dituzte orain, talde-lanean", Osasun Sailaren eta Osakidetzaren oharraren arabera.
"Gaur egun, kontsultara joateko batez besteko itxaronaldia 48 ordu baino gutxiagokoa da, baina kasurik premiazkoenak egunean bertan artatzen dira", gehitu dute.
Edonola ere, erizainek osasun etxeetan duten rola ez da mugatzen prozesu arinak artatzera. Horiez gain, gaixo kronikoen arretaz, txertaketaz edo sendaketez arduratzen dira. Halaber, zenbait medikamentu agindu ditzakete; ibuprofenoa, adibidez.
Bestalde, herritarrak osasunaren sustapenean heztea da erizainek duten beste funtzio garrantzitsuetako bat.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.