Araban gorroto diskurtso LGTBI+fobikoen gorakada egon dela ohartarazi du Ikusgunek
Ikusgune Gasteizko LGTBI+fobiaren aurkako Behatokiak urteko VIII. txostena aurkeztu du. Txosten horretan, Araban azken urtean izandako 24 LGTBI+fobia-kasu jaso dira, 2023an baino lau gutxiago. Kopuruak behera egin duen arren, txostenak erakusten du kasu gehienak gorroto-diskurtsoekin (9) eta diskriminazio-ekintzekin (8) lotuta daudela, eta horrek kezka eragiten du, oraindik ere kolektiboaren aurkako jarrerak egon badaudelako.
Bildutako datuen arabera, kasu gehienak (11) homofobiarekin lotutakoak dira, eta ondoren transfobia eta enebefobia (8) daude. Ikusgunek ohartarazi duenez, oso indarkeria lesbofobo kasu gutxi izan ziren, eta talde horrek oraindik pairatzen duen "patriarkatuak eragindako ikusezintasunari" egozten diote hori.
Erasoetako bost zaurgarritasun egoeran dauden pertsonei egin dizkiete, eta espazio publikoa da istilu horien ingurune ohikoena (7), eta, ondoren, sare sozialak, gaueko aisialdia eta familiartea.
Nazioartean diskurtso transfobo eta matxistek izan duten gorakadak ere kezkatzen duela adierazi du Ikusgunek, bereziki inguru anglosaxoietatik ekarritakoak eta eskuin eta ultraeskuin sektoreek sustatutakoak. Horren harira, laguntzarako sareak indartzeko deia egin du, eta gorroto diskurtsorik inon ez baimentzearen garrantzia gogorarazi du.
Maiatzaren 17an ospatzen den LGTBI+fobiaren aurkako Nazioarteko Egunaren harira, Ikusgunek hainbat ekitaldi antolatu ditu larunbat honetan Gasteizen, praktika horiek arbuiatu eta kolektiboaren eskubideekiko konpromiso soziala erakusteko.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.