Gipuzkoa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

A-15a itxita egongo da gaur gauean Andoain eta Berastegi artean, bi noranzkoetan

Osteguneko 22:00etatik ostiraleko 06:00ak arte egongo da zarratuta. Foru Aldundiak honako errepideak proposatu ditu, ordezko gisa: N-1a eta A-10a, bidaia luzea egin behar dutenentzat; GI-2130a, Berastegi inguruko gidarientzat, eta GI-2135 errepidea, Lekunberri eta Leitzara joan behar direnentzat.
Gorosmendiko tunela, artxiboko argazki batean.
Gorosmendiko tunela, artxiboko argazki batean. Google Maps

Agentziak | EITB Media

Azken eguneratzea

A-15 autobidea itxita egongo da gaur-biharretan Andoain eta Berastegi artean (Gipuzkoa) eta bi noranzkoetan. Zehazki, gaurko 22:00etatik biharko 06:00ak arte egongo da zarratuta errepidea. Gorosmendi eta Oindolar tuneletan lanak egin behar dituzte, eta horrek eragin du itxiera.

Andoainera bidean, Berastegiko lotunetik aurrera itxiko dute bidea, eta Iruñerakoan, Sorabillan (Andoain), Gipuzkoako Foru Aldundiak ohar bidez jakinarazi duenez. 

Itxiera dela eta, honako ordezko bideak proposatu ditu Aldundiak:

• Ibilbide luzeko bidaientzat, ibilgailuek N-1a hartu beharko dute Altsasuraino, eta, ondoren, Irurtzunen A-10etik (Sakanako autobia) jarraitu.

• Berastegi, Elduain eta Berrobira joan behar direnentzat, GI-2130a (Tolosa eta Leitza arteko bidea) eskura izango dute, Berastegin bira egin ahalko baitute.

• Lekunberri edo Leitzara doazenek GI-2135 errepide har dezakete, Tolosara bidean.

Gizartea Trafikoa Gipuzkoa Andoain Eguneko Titularrak A-15 autobia

Zure interesekoa izan daiteke

Gehiago ikusi
Publizitatea
X