Langile bat hil da Amurrion, Tubos Reunidos enpresan lanean ari zela altutik erorita
Pavinpront azpikontratako langile bat hil da gaur goizean Tubos Reunidos enpresan, Amurrion (Araba), izandako lan istripu batean.
Larrialdi-zerbitzuek 12:40an izan dute gertatutakoaren berri.
Medikuek ezin izan dute ezer egin haren bizia salbatzeko.
Osalan Laneko Segurtasun eta Osasunerako Euskal Erakundeak ikerketa abiatu du ezbeharraren nondik norakoak argitzeko.
Amurrioko Tubos Reunidos lantegiko langile-batzordeak eskatu du 24 orduz lantegiaren jarduera etetea. Horrekin batera, batzordeak elkarretaratzea deitu du asteazken honetarako, 09:00etan, lantegiaren sarreran.
Ohar baten bidez, LABek deitoratu du heriotza horri Conprovial azpikontratako langile bat (atzo hil zen abiadura handiko trenaren lanetan, Atxondon) eta astelehenean ere Andosillan (Nafarroa) hildako 50 urteko beharginaren kasua gehitu behar zaizkiola.
Hildako langileen familiei, lagunei eta lankideei elkartasuna eta babesa adierazi ostean, kritikatu du "Euskal Herrian istripu larriek" ez dutela etenik.
"Horren isla da altueratik eroritako biktimena; izan ere, prebentziorako neurri teknikoak hartzea erraza da, baina gertatzen jarraitzeak argi uzten du patronalak araudia betetzeari uko egiten diola", salatu du.
Bere ustez, "altuerako lanen segurtasun-araudia aplikatu izan balitz, ez zatekeen horrelako lan-istripurik gertatuko".
"Arazoa da patronalak laneko segurtasunari eta osasunari buruzko araudia urratzen duela lan-kostuak merkatzeko. Heriotza mota horiek saihets daitezke, horiek guztiak prebentzioa behar bezala kudeatuz, integratuz eta aplikatuz", berretsi du.
Albiste gehiago gizartea
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.