Herritarren % 52k emisio gutxiko eremuak babestu dituzte; Nafarroan dute babes gehien
Argitaratu berri den EITB Focusek islatzen du EAEko eta Nafarroako gizartean hiri-mugikortasunari dagokionez banaketa argia dagoela. Guztien erdiek (% 47,9) uste dute neurriak ezartzen jarraitu behar dela udalerrietan autoen erabilera murrizteko, eta ia beste hainbestek (% 47,6) uste dute ez dela murrizketa gehiagorik behar.
Neurri berrien aurkako jarrera bereziki nabarmena da 18 eta 35 urte bitarteko gazteen artean, % 39,9ra jaisten da horien aldekoen kopurua, eta 65 urtetik gorakoen artean, berriz, % 55,8k defendatzen dute oinezkoentzat gune gehiago izatea.
EITB Focusen arabera, inkestatutakoen % 52,4k beharrezkotzat jotzen dute hirietan emisio baxuko eremuak egotea. Hala ere, % 37,5 aurka daude eta % 10,1ek ez dute argi.
Nafarroan gehienak daude horren alde, inkesta egin dutenen % 55,4 alde baitaude; Araban eta Gipuzkoan, berriz, onarpena % 51,4koa eta % 52,8koa da, hurrenez hurren. Gazteenek (18-35 urte) ez dute erabat begi onez ikusten: % 42,1ek baino ez dituzte beharrezkotzat jotzen.
Herritarren % 11,1ek soilik erosiko lukete auto elektrikoa gaur egun. % 79,9k baztertu dute aukera, eta arrazoi nagusia da karga-puntu gutxiegi dagoela (% 24,7), ondoren garestiak direla (% 11), autonomia-falta (% 10,1) eta fidagarritasunari buruzko zalantzak (% 7,8).
Bestalde, % 68,8 bidegorri gehiago sortzearen alde daude. Gipuzkoan eta EAEn, oro har, babesa % 70etik gorakoa da. Nafarroan ere, gutxixeago badira ere, % 63,8k babesten dute.
Metodologia
Bizitokia EAEn eta Nafarroan duten 3.871 pertsona elkarrizketatu dituzte EITB Focus inkesta egiteko (871 Araban, 1.200 Bizkaian, 1.200 Gipuzkoan eta 600 Nafarroan).
Galdeketak maiatzaren 5etik 21era bitartean egin zituzten, telefonoz.
Datu, mikrodatu eta adierazle estatistiko guztiak Gardentasun atariko Open Data atalean izango dira kontsultagai.
Albiste gehiago gizartea
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.