Behar baino siesta luzeagoak eta eguerdi aldera egindakoak heriotza-arrisku handiagoarekin lotzen dira
Siesta-portaera jakin batzuk heldu eta adinekoen heriotza-arrisku handiagoarekin lotu ditu ikerketa batek.
Sleep aldizkarian argitaratu duten artikulu baten arabera, Amerikako Loaren Medikuntzako Akademiak eta Loaren Ikerketarako Elkarteak 86.565 parte-hartzaileren (% 57 emakumeak) siesta ohiturak aztertu dituzte (besteak beste, siestaren iraupena eta ordua). Egiaztatu dutenez, siesta luzeak egiteak, egunean zehar egiten diren iraupen aldakorrekoak eta lo-kuluxkak eguerdi aldera edo arratsaldeko lehen orduan egiteak heriotza-arrisku handiagoa ekar dezakete.
"Egunean zehar lo gehiago egiten zuten pertsonek, eguneko lo-patroi irregularrak zituzten edo eguerdi aldera edo arratsaldeko lehen orduetan lo gehiago egiten zutenek arrisku handiagoa zutela ikusi da, baita bestelako osasun- eta bizimodu-faktoreak kontuan hartuta ere", azaldu dute ikerketa horren egileek, SLEEP 2025en urteko bileran aurkeztu duten azterlanean.
Loaren Medikuntzako Akademia Amerikarrak onartzen du emaitzak ez datozela bat siestari buruz orain arte jakina denarekin, adibidez, siesta "suspergarri" labur batek alerta-egoera eta errendimendua hobetu ditzakeela egunean zehar, betiere 30 minututik gorakoa ez bada, siesta luzeagoek zorabioa eragin baitezakete. Beraz, ikerlari horien ustez, mereziko luke siestaren eta hilkortasunaren arteko loturari buruzko ikerketa sakonagoak egitea.
Edonola ere, horien esanetan, emaitzak garrantzitsuak dira agerian uzten dutelako helduen heriotza-arriskuaren estratifikazioan eguneko loaren jokabideak kontuan hartzeak izan dezakeen garrantzia.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.