Gorputegi bat irudikatu dute ehunka lagunek Donostian, Gazako genozidioa amaitzea aldarrikatzeko
500 bat lagun bildu dira igande honetan Donostian, Gernika-Palestina herri ekimenak deituta, gorputegi bat irudikatu eta Gazako Zerrendako genozidioa bukatzea aldarrikatzeko.
Eguerdian egin dute protesta Alderdi Ederren, udaletxe parean, EAJ, EH Bildu eta PSE-EE alderdietako udal ordezkariek eta CCOO, UGT eta LAB sindikatuek babestuta.
Ehunka lagun lurrean etzan dira hamar bat minutuz, maindire artean bilduta, Israelek Gazan egunero egiten dituen erasoetan hildako herritarren gorpuak irudikatzeko.
Horien ondoan, Palestinako bandera erraldoi bat zabaldu dute antolatzaileek udaletxeko balkoitik, eta bi terrazetatik Picassoren Guernica margolana erakutsi dute.
Terrazen kanpoaldetik, ehunka lagunek ikurrinak eta Palestinako banderak astindu dituzte, sirena hotsa entzuten zen bitartean. Ondoren, Sol Band taldeak (Palestinatik iritsi berria) "Gernika Gaza" abestia kantatu du, Eñaut Elorrietarekin batera, eta lurrean etzanda zeudenak bertatik joan dira Mikel Laboaren "Baga, biga, higa" abestu duen abesbatza bati tokia uzteko.
Amaitzeko, Martxelo Otamendi kazetariak eta EHUko errektore ohi Nekane Balluerkak manifestu bat irakurri dute, euskaraz eta gaztelaniaz, Israel burutzen ari den genozidioa behin betiko amai dadila eskatzeko.
Israelekin "harremanak erabat hausteko" eskatu dute Iruñean
Manifestazioa egin dute gaur Iruñean Nafarroako Gobernuari zein Espainiakoari exijitzeko "eten ditzatela Israelekin dituzten harremanak, zentzu guztietan".
Yala Nafarroak eta BDZ Nafarroak deituta, jende andana (1.500 pertsona, Espainiako Gobernuaren Ordezkaritzaren arabera; 5.000, antolatzaileen esanetan) irten da manifestazioan Konstituzio plazatik. Palestinako banderak astinduta, kolorea eman diote "Boikota Israeli" eta "Non daude Israeli ezarritako isunak?" aldarriak ozen oihukatu dituen protestari.
Yala Nafarroa Palestinaren aldeko elkartearen bozeramaile Lidon Sorianok komunikabideei esan dienez, "muturreko basakeria fase batean dago Palestinako genozidioa une honetan".
"Herriak egindako presioari esker, gobernuak nolabait diskurtsoa aldatzen hasi dira. Zalantzarik gabe, horrekin ez da nahikoa, genozidio bat ez baita berbekin gelditzen, ekintzekin baizik", adierazi du.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.