Eskola txikien festa egingo dute gaur Ezkio-Itsason, haien izaera eta nortasuna aldarri hartuta
Gaur, ekainak 8, egingo dute Ezkio-Itsason Gipuzkoako eskola txikien jaia, eta herri eta auzo txikietan eskola izateak duen garrantzia azpimarratu eta horien izaera eta nortasuna aldarrikatuko dute beste behin. Aurtengoa 36. festa izango da.
Irati Manzisidor eskola txikietako irakasleen koordinatzaileak aurkezpen ekitaldian nabarmendu zuenez, "gure herri eta auzo txikiak euskal kulturaren, nortasunaren, izaeraren eta hizkuntzaren iturburu eta zaintzaile izan dira. Euskararen arnasgune nagusiak herri eta auzo txikietan ditugu, eta horrek horrela jarrai dezan lan egiten dugu eskola txikietan".
Nolanahi ere, horren hitzetan, beharrezkoa da "erronka berriei aurre egiteko etengabeko elkarlanean aritzea, familiekin, herri erakundeekin eta bestelako elkarteekin eta eragileekin". Manzisidorren arabera, horren erakusgarri da Ezkio-Itsason festa hori antolatzeko egin duten "auzolan izugarri handia".
Amaia Dorronsoro eskolako zuzendariak adierazi zuen hastapenak gogorrak izan zirela, duela 11 urte. Orduan 9 ume baino ez zituzten, eta herritarrak eta udalak elkarlanean bultzatutako ekimena izan zen. Orain, ordea, sendo omen daude, eta 62 haur, 12 hezitzaile eta 39 familia dituzte.
Egitarau oparoa
Landaguneetako herri txikiak hezkuntzarako zein aberasgarriak diren ere nabarmenduko dute gaurkoan, jai ederra eginda. 10:30ean harrera ekitaldia egingo dute, eta, ordutik aurrera, hainbat txoko eta ekintza izango dira herri osoan zehar: perkusio, txalaparta eta zirku tailerrak, dantzaldia, sormen gunea, puzgarriak, eta Potx eta Lotx pailazoen ikuskizuna. Hona hemen egitaraua, osorik:
Albiste gehiago gizartea
Albiste izango da: "Karmele" Zinemaldian, udazkena helduko da eta Nazio Batuen Batzar Nagusia
Orainek gaur landuko dituen albiste nagusien laburpena.
Mogie Gym: gurpil gaineko kirola Pirinioetako herrietan
Aritz Carballok furgoneta soil bat entrenatzeko erabat hornitutako espazio bihurtu du. Orain arte gimnasiorik ez zegoen Nafarroako Pirinioetako landa-eremuetan dabil. Helburua da jarduera fisikoa eta ohitura osasungarriak eramatea horiek eskura ez dituztenei.
Pertsona bat hil da Trebiñun, bi autoren artean izandako istripuan
Gaueko lehen orduan izan da ezbeharra, Araba 2124 errepidean. Bi ibilgailuk aurrez aurre jo dute eta errepidea itxita geratu da Burgoserako norantzan.
Euriteek arazoak eragin dituzte Montserraten eta bi pertsona desagertu dira Bartzelonan
Lekuko batek larrialdi-zerbitzuei dei egin die arratsaldean, Sant Quinti de Medionan, ibaiko urak auto bat arrastaka zeramala eta barruan bi pertsona zihoazela ohartarazteko. Ordu batzuk geroago, autoa aurkitu dute baina inor ez zegoen barruan.
27 pertsona ebakuatu behar izan dituzte Montserrateko funikularretik, Katalunian, euri jasa gogorrak direla eta
Montserrat funikularraren inguruetan 100 litro bota ditu metro koadroko, eta 27 pertsona ebakuatu dituzte euriteek eragindako luizi baten ondorioz. Katalunia osoa dago abisu laranjan eta euriak gogor jo du, batez ere, Bartzelonan, Gironan eta Tarragonan. Suhiltzaileek 90 bat esku-hartze egin dituzte dagoeneko, eta errepideetan ardura handiz gidatzea eskatu dute. Euriteen ondorioz, gainera, bertan behera gelditu dira zenbait hegaldi, eta Gironan atzerapenak daude tren zerbitzuan, trenbidera eroritako zuhaitz bategatik.
Berrezarrita tren-zirkulazioa Tolosa eta Villabona artean, zutoinen erorketaren ondorengo etenaldia eta gero
Renfek errepide bidez garraio alternatiboa eskaintzeko plan bat jarri du martxan igande goizean, kaltetutako bidaiariak euren azken helmugara edo gutxienez Tolosako geltokira eramateko. Hala ere, zirkulazioa berriro ere martxan jarri da 19:00ak aldera.
Beharrezkoa al da benetan proteina ugariko produktuak kontsumitzea?
Proteinarekiko obsesioa saltokietara iritsi da, baita nutrizionisten kontsultetara ere. Osasungarriak ematen badute ere, etiketak irakurri beharra dago. Adituek formula klasikoa gomendatzen dute: dieta orekatua eta ariketa fisikoa.
Zibererasoak kaltetutako Europako aireportuetan gorabehera gutxi batzuk izaten ari dira oraindik
Aenak larunbatean ziurtatu zuenez, Espainiako aireportuetan ez da ia arazorik izan, baina Europako beste batzuekin lotzen dituzten hegaldietan atzerapenak izan dira, Collins Aerospace sistemarekin lotutako gorabeheren ondorioz.
Gizon bat hil dute gaur goizean Bilbon, eta Ertzaintzak ikerketa abiatu du
Ertzaintzak dispositibo berezia ezarri du Solokoetxe auzoan, eta hainbat gune miatu ditu erasoa ikertzeko.
Ertzaintzak abiadura kontrolatzeko kanpaina bat egingo du datorren astean
2024an, EAEko errepideetan trafiko-istripuetan hildako pertsonen % 32 abiadura desegokiarekin lotutako ezbeharretan zendu ziren.