Ehunka lagun Araba Euskaraz jaia ospatzen ari dira Gasteizen
Gasteizko lorezainak egiten ari diren greba mugagabea dela eta, Armentia ikastolan, Mendizorrotzan eta Prado parkean egingo dute azkenean. Dena den, hasierako datari eta egitarauari eutsi diete.
2025eko Araba Euskaraz jaia, Gasteizen. Argazkia: EFE
Araba Euskaraz jaia ospatzen ari dira gaur Gasteizen, "Etengabe" lelopean. Kokagunea aldatu bada ere, Arabako ikastolen aldeko jaiak ehunka lagun bildu ditu aurtengoan ere. Izan ere, Gasteizko lorezainak egiten ari diren greba mugagabea dela eta, Armentia ikastolan, Mendizorrotzan eta Prado parkean egin dute jaia.
Aurtengo edizioan bildutako dirua Bastida ikastolara bideratuko da. Arabako Errioxan dagoen ikastola 1979an sortu zen, 9 ikaslerekin, eta egun 130 ikasle baino gehiago ditu.
Hasiera ekitaldian izan da, besteak beste, Lucia Torrealday Hezkuntza Politiketako sailburuordea. Euskara aldarrikatzeko eta eskoletatik kanpo ere euskarari bultzada emateko deia egin du, eta ikasleak euskaraz hezten jarraitzeko "ahalegin berezia" egin behar dela onartu du, "biziberritu" dadin. Ramiro Gonzalez Arabako ahaldun nagusiak eta Maider Etxebarria Gasteizko alkateak ere hartu dute parte ekitaldian.
Aurten, gainera, omenaldia egin diote Karmele Jaio idazle gasteiztarrari.
Egun osoko egitaraua, hiru gunetan banatuta
Euskal kultura ardatz eta herritarrak protagonista izango diren egitarau "askotarikoa" eta "parte-hartzailea" antolatu dute iganderako. Antolatzaileen esanetan, adin guztietako herritarrei zuzendutako egitarau zabala prestatu dute, eta ikuskizunak, musika, tailerrak, jolasak eta abar egongo dira bertan.
Jaia hiru gunetan banatuko da: Armentia ikastola (Lautada gunea), Mendizorrotzako aparkalekua (Mendia gunea) eta Prado parkea (Erreka gunea).
Aholkuak
Araba Euskaraz jaiaren antolatzaileek hainbat aholku eman dituzte; tartean, Gasteizera joateko garraio publikoa erabiltzeko. Autoz joateko asmoa dutenei, berriz, Erromesen ibilbidean prestatutako aparkalekura joateko eskatu diete. Azkenik, edalontziak etxetik eramateko deia egin dute.
"Arbasoen su txikia"
Mikel Urdangarinek egin du aurten Araba Euskarazen kantua, Kirmen Uribek jarri dizkio hitzak, eta Iñigo Etxezarreta, Iñaki Ortiz de Villalva, Jon Basaguren, Libe Garcia de Cortazar, Iratxe Aguilera eta Adriana Fernandezen laguntza izan dute.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.