Abian da Bilbaobizi zerbitzu berritua: bizikleta gehiago, tarifa altuagoak eta hobekuntza teknologikoak
Bizikleta elektrikoak mailegatzeko udal zerbitzu berritua astelehen honetan jarri da martxan, 790 unitaterekin, geltoki berriekin eta erabileraren araberako tarifa eredu berriarekin. Udalak mugikortasun iraunkorragoaren aldeko apustua egin du, baina prezioen igoerak eztabaida sortu du.
Bilbok abian jarri du, jada, bizikleta elektrikoen Bilbaobizi zerbitzu publikoaren eredu berria. Guztira, 790 bizikleta ditu eta bi ainguratze-puntu berrirekin abiatzen da sistema, Zurbaranbarri kaleko 39 zenbakian eta Ignacio Ellakuria kaleko 6.ean. Aurreikuspenen arabera, urtean zehar sarea handitzen joango da, eta 1.250 bizikleta eta 68 geltoki izango ditu, gero eta handiagoa den eskaerari erantzuteko, batez ere hiriko goialdeko auzoetan.
Sistemaren berrikuntza nagusien artean bandalismoa murrizteko hobekuntza teknologikoak nabarmentzen dira, hala nola atzeko gurpilean giltzarrapoa jartzea, GPS kokapena, alerta akustikoa eta lohi-babes deformagarria. Bizikletek pedalei eraginez aktibatzen diren LED argiak ere badituzte, Europako araudia betetzeko, eta 25 km/h-tik gora laguntza elektrikoa desaktibatuko da.
Tarifa eta erabilera-baldintza berriak
Tarifa-sistema berriak erabileraren araberako ordainketa-eredu baten alde egiten du, eta bi ordainketa-modalitate ditu:
- Ohiko erabiltzaileak: Egunero bizikleta erabiltzen dutenek urtean 25 euroko tarifa izango dute; hala ere, horrez gain, bizikleta erabiltzen duten minutu bakoitzeko zentimo bat ordaindu beharko dute.
- Noizbehinkako erabiltzaileak: Erabilitako denboraren araberako tarifak ezarriko dituzte.
Gastuaren muga: Ohko erabiltzaileek urtean 72 euro ordainduko dute, gehienez.
Berrikuntza gehiago
Matxuratutako bizikletak kosturik gabe itzultzea: Erabiltzaileak bizikletak akats mekaniko bat duela detektatzen badu, penalizaziorik gabe itzuli ahal izango du, eta bost minutuko tartea geltoki berean beste bat hartu, beti ere jazoeraren berri ematen badu.
Udalak emandako datuen arabera, 2024tik hona, bi milioi lagunek erabili dute Bilbaobizi. Udalak maiatzean egindako aurkezpenean azaldu zuenez, joera hori sendotzea eta alternatiba jasangarri gisa erabiltzea du helburu sistema berrituak. Udaleko arduradunen arabera, zerbitzuan inbertitutako euro bakoitzak 1,14 euroko irabaziak ematen dizkio osasun publikoari.
Hala ere, prezioen igoerak kritikak eragin ditu. Ohiko erabiltzaileentzako kostua urtean 20,2 eurotik 61 eurora igoko da, eta horrek, estimazioen arabera, abonatu-kopurua % 20 eta joan-etorrien kopurua % 25 murriztea ekar lezake. Hala ere, Udalak aurreikusten du diru-sarrerak urtean milioi bat euro inguru handituko direla, eta zerbitzua kudeatzen duten enpresek % 6ko etekina lortuko dutela.
Ekimen horrekin, Bilbok mugikortasun iraunkorreko sarea indartu nahi du, eta hiri-eredu garbiago eta osasungarriago baterantz jo.
Gizarteari buruzko albiste gehiago
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.