Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Artxiboko irudia: EFE.
Espainiako Estatuko Meteorologia Agentziak (AEMET) ohartarazi du baso-suteak izateko arrisku "handia" edo "oso handia” izango dela larunbat osoan Nafarroako hainbat lekutan. Hori dela eta, SOS Nafarroak sua eragin dezakeen edozein jarduera saihesteko gomendatu du.
Sutea piztuz gero, egoerari aurre egiteko aholkuak eman ditu Nafarroako Gobernuak:
- Sutea txikia bada, sugarrak oinarritik itzaltzen saiatu, ura, lurra edo zuhaixka-adarrak erabiliz.
- Sutearen tamaina dela-eta ezinezkoa bada hurbiltzea, landaretza gutxien dagoen tokitik urrundu, eta alde egin bertatik haizearen kontrako norabidean.
- Arnasbideak babestu eta saiatu ez nekatzen.
- Sutetik ihes egin ezin baduzu, erretako gune edo soilgune bat bilatu, ahoz behera etzan eta arropa edo lur bustiarekin estali.
30 ºC-tik gora
Beroa protagonista izango da berriro ere larunbatean Nafarroan, hain zuzen ere, hori izango baita suteak sortzeko faktore arriskutsuena. AEMETek jakinarazi duenez, erdialdean 36 ºC-raino helduko dira termometroak, eta 38raino Erriberan.
Tenperatura maximoak apur bat igoko dira, isurialde atlantikoan izan ezik. Inguru menditsu horietan, tenperatura minimoak jaisten joango dira.
Bestalde, zerua hodei gutxirekin edo oskarbi egongo da, nahiz eta iparraldeko goialdeetan behe-lainoa egon daitekeen. Gainera, haizea aldakorra izango da.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.