31.000 euroko iruzurra egin dute "tokomotxoa" baliatuz Bilbon
71 eta 80 urteko bi emakumeri eta 82 urteko gizon bati egin diete iruzur Deustu, Santutxu eta Zabala auzoetan.
Adineko hiru pertsonari egin diete iruzur Bilbon, "tokomotxoa" izenarekin ezagutzen duten teknika erabilita. Trikimailu zahar hori baliatuta, iruzurgileek ONCEren kupoi sarituak dituztela esaten dute, biktimen konfiantza lortzeko. Biktimek, guztira, 31.000 euro baino gehiago eta hainbat objektu pertsonal eman zituzten horien truke.
Segurtasun Sailak jakitera eman duenez, lehen iruzurra asteartean gertatu zen, Bilbon, Deustu auzoan. 71 urteko emakume bati ustez saritutako kupoi batzuk kobratzeko laguntza eskatu zion gizon batek. Etekin ekonomikoaren promesak erakarrita, berarekin joatea erabaki zuen. Beste pertsona batekin batera, kutxazain automatiko batera eraman zuten autoz, eta biktimak 2.500 euro atera zituen eta iruzurgileei eman zizkien. Ondoren, biktima etxera eraman zuten eta autoan alde egin zuten iruzurgileek, emakumearen telefono mugikorra hartuta.
Bigarren kasua asteazkenean gertatu zen, Santutxun. 80 urteko emakume bat harrapatu zuen kalean saritutako kupoien argudio bera erabili zuen beste pertsona batek. Banketxe batera elkarrekin joateko konbentzitu zuen, eta biktimak 15.000 euro atera zituen eskudirutan.
Hirugarrena ostegun goizean gertatu zen, Zabala auzoan. 82 urteko gizon batek 3.000 euro eskudirutan, bi erloju eta aliantza bat eman zizkion iruzurgile bati bere etxean. Iruzurgileak, konformatu beharrean, kutxazain batera lagundu zion, 11.000 euro atera zituen, eta diru hori ere eman zion iruzurgileari.
Gizarteari buruzko albiste gehiago
Beloradoko moja ohiek Mario Iceta artzapezpikuaren aurka jarritako salaketa artxibatu dute
Erabaki horrek bat egiten du Beloradoko monasterioko moja ohien utzarazpena aldi baterako geldiaraztearekin. Erlijiosoek errekurtsoa jarri duten arren, Artzapezpikutzak eskatu du utzaraztea behin-behinean exekutatzeko, eta gogorarazi du lau kasutan bertan behera geratu dela neurria.
Adituen txosten baten arabera, "gaintentsioaren kateatutako erorikoak" izan ziren itzalaldiaren arrazoia
Elektrizitatea Garraiatzeko Sareen Kudeatzaileen Europako Sareak (Entso-E) apirilaren 28ko gertakariak zerrendatzen dituen txosten bat aurkeztu du. Egun hartan gertatutakoa "erabat berria dela Europan" zehaztu du eta ez du uste energia berriztagarrien ekoizpenak sortu zuenik.
Getariako atun gorriaren haztegian gizendutako lehen aleak portura eraman dituzte
Gezi moduko lantza bat erabili dute atun horien estresa txikitu eta haragia ahalik eta gozoena izan dadin. Atun gorriak portura eraman dituzte, eta bertan pisatu, neurtu eta aztertu dituzte. Orain, proiektua fase berri batean sartuko da.
Dagoeneko 12 familiak jarri dute salaketa Bernedoko kanpalekua dela eta
Sexu-askatasunaren aurkako aurreko lau salaketei beste zortzi gehitu zaizkie orain, EITBk jakin ahal izan duenez. Halaber, ikerketa judiziala hasteko aurretiazko eginbideak ireki dituzte berriki.
70 talde feministak baino gehiagok eta LGTBIQ+ taldeak Bernedoko udalekuen aurkako "lintxamendu kanpaina" salatu dute
"Ultraeskuinak" eta "puritanismoak" sexu- eta genero-disidentzia adingabeei egindako erasoekin lotu nahi izatea kritikatu dute.
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak Xabiertxo, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.