Guraso bakarreko familiak egiaztatzeko baldintzak sinplifikatzea eskatu du EGABek
Kontseiluak "positiboki baloratzen" du Eusko Jaurlaritza dekretua lantzen aritzea, “babes berezia eman nahi baitie pobrezia-arriskuan, kontziliatzeko zailtasunekin eta gizarte-bazterketako egoeran dauden familia mota horiei”.
Euskadiko Ekonomia eta Gizarte Arazoetarako Batzordeak (EGAB) proposatzen du guraso bakarraren familia dela egiaztatzeko eskatzen diren baldintzak eta dokumentazioa “eskuragarriagoak eta sinplifikatuagoak izatea”, familia horiek babes bereziko kategoria horretara errazago irits daitezen.
Gainera, kontuan hartuta guraso bakarreko familien % 80k emakumeak dituztela buru, errealitate hori nabarmentzea iradokitzen du, arauan azalduta, kolektibo horren ikusgarritasuna indartu dadin.
EGABek Eusko Jaurlaritzaren Ongizate, Gazteria eta Erronka Demografiko Sailak helarazitako "Guraso bakarreko familien araubidea arautzen duten Dekretu-Proiektua”ri buruzko txostena egin du. Arau honen xedea da guraso bakarreko familiei eta guraso bakarreko egoeran dauden familiei erregimen eta estatus propioa ematea, familia mota horiek babesteko berariazko neurriak garatu ahal izateko.
Kontseiluak positibotzat jo du dekretu horren garapena, Familiei Laguntzeko abenduaren 12ko 13/2008 Legeak guraso bakarreko familiak babesteko beharra aitortzen duelako. Horrez gainera, uste du familia mota horiek babes berezia behar dutela, "arrisku handiagoa dutelako pobrezia-arriskuarekiko, kontziliatzeko zailtasunekiko eta gizarte-bazterketako egoerekiko".
Hala ere, proiektua aztertu ondoren, zenbait gogoeta egin ditu aztertutako testua hobetzeko proposamen gisa.
Betekizunak eta dokumentazioa sinplifikatzeaz eta mota honetako familien buru gehienetan emakumeak direla azpimarratzeaz gainera, EGABk diskriminaziotzat jo du "irizpide gehigarriak" ezartzea; hala nola, familiaren diru-sarrerak, "guraso bakarreko egoeran dauden familiak" aintzat hartzeko.
Guraso bakarreko egoeran dauden familia gisa onartua izateko kasuak areagotzea ere gomendatzen du. Hala, egoera horretan sartu beharko lirateke, EGABen ustez, “ama sexu-indarkeriaren biktima” duen sendia edota gurasoetako bat “gizakien salerosketaren biktima” gisa aitortua duen familia bat.
Era berean, txostenak jasotzen du guraso bakarreko egoeran dauden familien tipologiaren barruan sartu beharko liratekeela gurasoetako bati urtebeteko edo gehiagoko espetxe-zigorra ezartzen zaion familiak, edo gurasoetako batek ospitalean edo tratamenduan urtebete edo gehiagoko mediku-aurreikuspenarekin egon behar duenean.
Gizarteari buruzko albiste gehiago
Protestek ez dute etenik Vueltan, baina Fiskaltzaren ustez ez dira Audientzia Nazionalaren eskumena
Valladoliden jokatu den erlojuaren kontrako etapan bi pertsona atxilotu dituzte eta aske gelditu dira ondoren. Horrez gainera, beste 15 identifikazio egin dituzte polizia-agenteek.
Sestaoko xake txapelketa bandera eta sinbolorik gabe jokatuko da
Gazako sarraskia dela eta, Sestaoko Xake taldeak jokalari israeldarrei eskatu zien txapelketan ez parte hartzeko edo nazioarteko federazioaren banderapean jokatzeko. Nazioarteko Xake Federazioak, ordea, erabaki horren aurka egin du. Ondorioz, Las Llanas pilotalekuan nazioarteko banderarik edo sinbolorik ez egotea erabaki dute; Palestinako bandera bat soilik, “elkartasun espresio gisa”. Israelgo hiru jokalarik parte hartzeari uko egin diote.
ELA sindikatuaren ustez, Beatriz Artolazabalen aurkako panfletoen jaurtiketa "guztiz gaitzesgarria" da
Rafael Busto ELA sindikatuko ordezkariak adierazi duenez, ez dute inor seinalatu nahi. "Gure lan-gatazka konpondu nahi dugu. Ez diogu errua inori egozten, Gasteizko Udalari baizik", gaineratu du Bustok.
Bere etxe aurrean izandako "jazarpen ekintza" ez gaitzestea leporatu dio Artolazabalek EH Bilduri
Beatriz Artolazabal Gasteizko zinegotziak salatu duenez, ostegun goizean irainak eta sinbolo iraingarriak zituzten panfletoak bota dituzte bere etxe aurrean, Enviserreko langileen grebaren baitan.
Israelgo zazpi xake jokalarietatik hiruk baja eman dute ostiral honetan hasiko den Sestaoko txapelketan
Sestaoko Xake Klubak, Israelek Gazan "giza eskubideen urraketa sistematikoa" gaitzesteko, joan den astean Israelgo xakelariak gonbidatu zituen txapelketan ez parte hartzera eta, hala eginez gero, FIDEren (Nazioarteko Xake Federazioa) banderapean jokatzera, izan ere, 'open' kategoria denez, antolatzaileek ezin diete lizentzia duten jokalariei parte hartzea galarazi.
Bonolotoak ia bi milioi euroko saria utzi du Zarautzen
Zarauzko Xoxoa tabernan baliozkotutako txartel bati 1.972.129 euroko saria eman diote Bonolotoaren zozketan.
Ingurumen Fiskaltzak salaketa jarri du Bilboko portuan hondakin kutsagarriak isurtzeagatik
2024ko azaroan, zisterna-kamioi batetik 3.000 eta 5.000 litro artean isuri zituzten hainbat pertsona harrapatu zituen Guardia Zibilak
Joxerramon Bengoetxea: "Protesta egiteko forma batzuk guztiz lekuz kanpo daude"
2025-2026 ikasturtearen inaugurazio ekitaldian izandako istiluei buruz galdetuta, Joxerramon Bengoetxea EHUko errektoreak adierazi du ekitaldian parte hartu zuten batzuek jasotako irainak "deitoragarriak" direla. "Gure unibertsitateak Gazarekiko prestatu zuen elkartasun mezuari zapuztu zuten", gaineratu du Bengoetxeak.
Zazpi pertsona zauritu dira Sestaon lotan zeuden pabilioian piztutako sutean kea arnastuta
Sua gaur goizaldeko seiak aldera hasi da, Galindoko Padurak kaleko nabe batean. Pabiloi horretan lo egiten zuten zazpi pertsona artatu dituzte kea arnasteagatik, eta, azkenean, San Eloy eta Gurutzetako ospitaleetara eraman dituzte.
Artolazabalek bere etxe aurrean izan den "jazarpen ekintza" berri bat salatu du, Enviserreko grebarekin lotuta
Gasteizko zinegotziak salatu duenez, gaur goizean irainak eta sinbolo iraingarriak zituzten panfletoak bota dituzte bere etxe aurrean. Poliziak ekainaren 25ean antzeko gertaera batengatik hasitako ikerketa zabalik du.