Suhiltzaileak airez eta lurrez ari dira lanean Zarrakaztelun piztu den baso-sutean
Gau osoan lurretik lanean aritu ondoren, gaur goizean, 08:00etan, Nafarroako Gobernuaren aireko baliabideak batu zaizkie suhiltzaileei sua itzaltzeko lanetara.
Baso-sute bat piztu zen atzo iluntzean Zarrakaztelun, eta Nafarroako Suhiltzaileak sua tzaltzeko lanetan ari dira ordutik. Foru Gobernuak jakitera eman duenez, sutea kontrolpean dute, baina oraindik ez dute itzali.
21:42 aldera piztu zen sua, eta baso-suteei aurre egiteko planaren lehenengo maila ezarri zuten hasiera batean. Lurreko baliabideekin aritu dira lanean suhiltzaileak gau osoan. 08:00etan, baina, aireko baliabideak ere batu dira operatibora, eta horrek planaren bigarren maila aktibatzea ekarri du.
SOS Nafarroa larrialdi zerbitzuak zabaldutako informazioaren arabera, pinudi batean piztu zen sua, eta oso gertu gari-soroak badaude ere, horiek ez omen daude arriskuan. Inguruko bizilagunak ere arriskutik kanpo daudela ziurtatu dute.
Tafalla, Zangoza, Tutera, Peralta, Cordovilla eta Lizarrako parkeetako suhiltzaileak bertaratu dira sua amatzera, eta bi helikopteroren laguntza dute. Foru Gobernuko basozainak ere ari dira parte hartzen.
Uzta batzeko murrizketak
Testuinguru horretan, Nafarroako Larrialdietarako Aholku Batzordeak ostiralean erabaki zuen Nafarroa osoan uzta batzeko murrizketak indarrean mantentzea, bai eta lurzoru urbanizaezinean soldadurak egiteko edo elementu metalikoak mozteko lanak mugatzea ere. Erabakia asteburu honetarako hartu zen, aurreikusitako baso-suteen arriskuaren aurrean.
Murrizketa horiek atzo, abuztuak 9, sartu ziren indarrean.
Bero-bolada
Aurreikuspenen arabera, Foru Erkidegoan muturreko tenperatura altuak espero dira datorren astean, egunez 40 ºC-ra iritsiko baitira termometroak eta gauez ez baitira 20 ºC-tik jaitsiko, bereziki erdialdean eta hegoaldean.
Gizarteari buruzko albiste gehiago
Jendetza bildu da Andre Maria Zuriaren plazan, Zeledon agurtzeko
Zeledonen igoerak eman die amaiera Gasteizko jaiei, alaitasuna nagusi izan den sei egunen ostean. Jendetza bildu da goizaldean Andre Maria Zuriaren plazan, blusa eta nesken kuadrillekin elkartutako txarangen ondoan. Hala, Zalduondoko baserritar maitatua San Migel elizako dorrera itzuli da, datorren urtera arte.
Bi pertsona hil dira eta bat larri zauritu da Berantevillan izandako trafiko-istripu batean
Bidea zabalik da jada bi noranzkoetan.
Kanoikadaren eztandarekin, lehertu da Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.
Ehunka lagun bildu dira Bilbon Palestinaren alde
Bilbo-Palestina herri ekimenak elkarretaratzea egin du Plaza Biribilean, Palestina askatzea eskatzeko eta Netanyahu "gizateriaren aurkako krimenengatik" salatzeko.
Bizkaiko hondartzak, karabela portugesik gabe
Larunbat honetan Bizkaiko kostaldeko hondartza guztietan bainua hartzeko aukera izango dugu, marmokarik gabe.
Auto-gidari bat hil da Tolosan, autobus batekin talka eginda
Lurraldebusek aldi baterako eten du zerbitzua Ibaiondo kaleko 1. eta Larramendi kaleko 8. atarien pareko geralekuetan.