18 sute daude aktibo Galizian, Gaztela eta Leonen eta Extremaduran, eta Jarillakoa egonkortu dute
Hiru foku berri hauteman dituzte Galizian, egoerak okerrera egin du Leongo Bierzo eskualdean eta herri gehiago husteko agindua eman dute. Guztira 403.171 hektarea erre dira 2025ean Espainian, Copernicusen arabera.
Jarillako sutea (Extremadura). Argazkia: EFE
Suaren aurka borrokan jarraitzen dute Espainian, bereziki Gaztela eta Leonen, Extremaduran eta Galizian. Urtea hasi zenetik, 403.000 hektarea baino gehiago erre dira Estatuan, gehienak abuztuan, Europar Batasuneko Copernicus zerbitzuak emandako azken datuen arabera.
Extremaduran, Jarillako (Caceres) sutea egonkortu dute —17.300 hektarea erre dira—, eta etxetik alde egin behar izan zuten bizilagunak egunean zehar itzuli ahalko dira etxera. Extremadurako Baso-suteen aurkako Babes Zibileko Plan Bereziaren Zuzendaritzak 2. mailatik 1. mailara jaitsi du egoera ostiral arratsaldean. Hala, operatiboa autonomia-erkidegoko baliabideen esku geratu da.
Suteek Galizia kiskaltzen jarraitzen dute, eta dagoeneko 88.311 hektarea erre dira azken bi asteetan. Gainera, hiru foku berri hauteman dituzte azken orduetan: bi Pontevedran eta bat Lugon.
Gaztela eta Leonen ere, suteak itzali ezinik jarraitzen dute; 2. mailako zortzi sute eta 1. mailako sei dituzte. Bierzo (Leon) eskualdean piztutako suteak okerrera egin du haizearen eta orografiaren eraginez, eta herritar gehiago irtenarazi dituzte etxetik.
400.000 hektarea baino gehiago erre dira aurten Espainian
Urtea hasi denetik 391.581 hektarea erre dira dagoeneko Espainian, Copernicus Europar Batasuneko programaren menpeko EFFIS agentziak emandako azken datuen arabera.
Guztira, 360.000 hektarea inguru kiskali dira azken 15 egunetan.
2025eko datuak baino okerragoak aurkitzeko 1994. urtera egin behar da atzera. 437.602,50 hektarea erre ziren orduan.
Zure interesekoa izan daiteke
Donostiako Apezpikutzak basilika batean grabatutako Tokischa rap-abeslariaren bideoa kentzeko eskatu du
Gotzaindegiak "sakonki deitoratzen du espazio sakratu baten erabilera desegokia", eta "oihartzun erraldoia" izan duen edukia grabatzeko baimenik ez zuela eman azpimarratu du.
Apirilak 8, Ijito Herriaren Nazioarteko Eguna Euskal Herrian
Ijito Herriaren Nazioarteko Eguna ospatzeko, urtero hainbat ekimen eta elkateratze egiten dira Euskal Herriko zenbait herritan. Bilboko Otxarkoaga auzoan, EAEko lehen hiri-bankua estreinatu dute bandera erromaniarra margotuta.
Espetxera bidali dute Berrizen emaztea labankadaz larri zauritzeagatik atxilotutako gizona
Biktimak, 38 urteko emakumeak, zainketa intentsiboetako unitatean jarraitzen du. Arma zuriz eraso egin zion bikotekideak, familiak duen etxebizitzan bertan, eta lau seme-alaben aurrean. Emakumea Gurutzetako Ospitalera eraman zuten zauri larriekin, helikopteroz. Halaber, biktimaren alabetako bat, 15 urteko adingabea, arin zauritu zuen aitak.
HaurSare sortu da, haurren gaitz kroniko konplexuak eta zainketa aringarriak artatzeko Osakidetzaren sare integrala
Helburua da errealitate horri erantzun ordenatuagoa, bidezkoagoa eta eraginkorragoa ematea, gaixotasunaren faseetara eta adingabeen kasuan kasuko konplexutasun mailara egokituko den "etengabeko asistentzia" batekin. Horretarako, pediatrek, pediatriako erizain espezialistek, gizarte langileek eta psikologoek osatutako diziplina anitzeko taldeak egongo dira, eta 24/7 laguntza eskainiko dute.
Realzaleak beldur dira, ez ote dituzten hegaldiak atzeratuko edo bertan behera utziko, Sevillako aire kontrolatzaileen greba dela eta
Kopako finalerako 10 egun falta direnean, Saerco enpresako langileen grebak Andaluziako hiribururako hegaldiak arriskuan jarri ditu. Txuri-urdinen jarraitzaileek eta aldez aurretik planifikatu beharko dute bidaia, atzerapen eta gorabehera posibleak kontuan hartuta.
Gizon bat atxilotu dute Donostian, emakume bati sexu-erasoa egitea leporatuta
Atxilotuak 33 ditu eta, egozten zaionaren arabera, emakumea indarrez eraman zuen parking bateko sarrerara. Han, immobilizatzea lortu eta erasoa egin zion.
Adamuzko istripuaren gaineko Guardia Zibilaren azken txostenak dio istripuaren bezperan hautsi zela burdinbidea
Montoroko epategian egindako ikerketaren arabera, inguruko argindar-sistemako tentsioak behera egin zuen, baina ez zenez gutxieneko atalasea baino baxuagoa izan, ez zen alarmarik sortu.
Espainiako Gobernuak maiatzean onartuko du 16 urtetik beherakoek sare sozialak izatea debekatzeko legea
Sare sozialetan sartzeko gutxieneko adina eta sare sozialen edukietan ateratzeko gutxieneko adina 16 urtera igoko da.
Gizon bat atxilotu dute Gasteizen, bizikletako giltzarrapoarekin laguntza eskatu eta urruntze-agindu bat urratzea egotzita
Gasteizko Udaltzaingoak 25 urteko gizon bat atxilotu du, bizikletaren giltzarrapoa irekitzen laguntzera joan zaizkion agenteak urruntzeko agindu judizial bat urratu duela ohartu direnean.
Bost pertsona atxilotu dituzte Bizkaian, ia 300 kilo speed entregatu behar zituztela egotzita
Atxiloketak lurraldeko hainbat udalerritan egin dituzte. Gainera, lau etxebizitza miatu dituzte, Bilbon eta Galdakaon. Espainiako Estatuan atzemandako substantzia horren kopuru handienetako bat da.