Gernika-Palestina plataformak mobilizazioak baloratu ditu: "Palestinak etapa hau irabazi du"
Arnaldo Otegi EH Bilduko idazkari nagusiak adierazi du Euskal Herria "erreferente" dela "herrien eskubideen, elkartasunaren eta askatasunaren aldeko borrokan".
Gernika-Palestina plataformak uste du "esan daitekeela Palestinak irabazi duela etapa" 2025eko Vueltan, baina azpimarratu du "genozidioaren aurkako konpromisoak biderkatu" behar direla mobilizazio berriekin.
"Txirrindulariak etaparen aurreko bilerekin, zaleak euren ikurrekin nonahi, erakundeetako ordezkariak euren adierazpenekin... jakitun dira Israel taldea ez dela ongi etorria eta gaurko etapan gertatutakoak argi eta garbi erakusten du sportwashing-a ez dela bidea", azpimarratu du plataformak ohar batean.
Azpimarratu duenez, "helburua bakarra zen eta hala izaten jarraitzen du: Israel-Premier Tech Vueltatik kanpo uztea eta Israelgo talde guztiak, apartheid eta genozidioaren enbaxadoreak, kirol lehiaketa guztietatik kanpo uztea".
Era berean, Gernika-Palestinak dei egiten dio euskal gizarteari ostiral honetan udaletxeen aurrean egingo dituen elkarretaratze eta kazeroladetan parte hartzera. Horren xehetasun gehiago emango ditu ostegun honetan Donostian egingo duen prentsaurrekoan, eta atzoko eta gaurko mobilizazioen balantzea ere egingo du.
Otegi: "Euskal Herriak elkartasunean erreferente dela erakutsi du bere protestekin"
Arnaldo Otegi EH Bilduko idazkari nagusiak adierazi duenez, Palestinari elkartasuna adierazteko Bilbon asteazken honetan egindako protestekin, “Euskal Herriak gaur berriro ere demostratu du erreferente bat dela mundu mailan herrien eskubideen, elkartasunaren eta askatasunaren aldeko borrokan”.
Kontrara, Bingen Zupiria Eusko Jaurlaritzako Segurtasun sailburuak deitoratu egin ditu etaparen amaiera aurreratzera behartu duten "gizalegearen kontrako portaerak", "segurtasunaren eta bizikidetzaren aurkakoak" direlakoan, eta "lotsa" sentitu du, EH Bilduk gertatutakoaz "harrotuta" agertu ostean, idazkari nagusiak esandakoari erreferentzia eginez.
Zure interesekoa izan daiteke
Sevilla abordatu eta gainezka egin du Realaren fan zoneak
Realak Errege Kopako finala jokatu du gaur gauean Atletico Madrilen aurka. Realzaleek pasioz bizi izan dute jardunaldia, Sevillan zein Gipuzkoan eta horren adierazle da han eta hemen altxatu den olatu txuriurdina.
Dozenaka pertsona elkartu dira Zizur Nagusian, irakasle batek emakumeei egindako grabazioen aurka
'Elkarrekin. Beldurrik ez' lelopean, manifestazioan zehar "Erasorik ez, erantzunik gabe" oihukatu dute. 180 urteko kartzela-zigorra ezarri diote irakasleari, eta gehienez 15 urte beteko ditu.
"Gernikako Arbola" abestu dute Urkiolan, kantu hori Euskal Herriko ereserki gisa proposatzeko
Besteak beste, Gontzal Mendibilek eta Jose Maria Esparza editoreak abestu dute, eta partaideak kezkatuta agertu dira Euskal Herriaren kohesio faltagatik. Ildo horretan, "Gernikako Arbola" euskal herritar guztien ereserkia izatea proposatu dute.
Euskal agintariak ere Sevillan dira, eta Pradales pronostikoa egitera ausartu da: "Realak 1-2 irabaz dezala"
Jarraitzaileen artean ez dira falta euskal erakundeetako ordezkariak ere, Imanol Pradales lehendakaria buru dela. Jon Insausti, Donostiako alkatea, eta Eider Mendoza, Gipuzkoako Ahaldun nagusia ere Sevillara joan direnen artean daude. Guztiak Realeko presidentearekin batera ibili dira goizean realzaleekin giroa partekatzen. Lehendakaria harro azaldu da ikusten ari den portaerarekin, herri baten izaera erakusten duen portaera dela azpimarratuz. Ziur da kopa etxera etorriko dela, eta bere pronostikoa egiten ausartu da.
Bi adingabe ikertzen ari dira Santurtziko jaietan 14 urteko mutiko bat sastatzeagatik
Biktima ospitaleratu egin dute, baina ez dago arriskuan; ustezko erasotzaileak adingabeentzako fiskaltzak deituko ditu.
Realeko eta Atleticoko 160 jarraitzaile identifikatu dituzte eta material arriskutsua konfiskatu diete
Arrisku handiko partida da bi taldeetako zaleen arteko liskarragatik, eta milaka polizia eta guardia zibil daude Sevillan.
Zer eragin izango dute trafikoan Donostiako Kopako finalaren inguruko ekitaldiek?
Donostiako Udalak segurtasun dispositibo berezi bat antolatu du larunbat honetarako aurreikusitako ekitaldien harira, bai finala dela eta, bai Realak kopa irabaziz gero egin litekeen harreragatik.
Uholde txuri-urdin batek Reala agurtu du Sevillarako bidaia ekin baino lehen
Realeko adin guztietako zaleek, mota guztietako jantzi txuri-urdinak jantzita, agur esan diote ostiral honetan talde donostiarrari, kantu, bandera, animo oihu eta bufanda artean, Sevillarako bidaiaren hasieran. Larunbat honetan jokatuko du Kopako finala Atletico Madrilen aurka.
Gipuzkoako 70 bat alkate Sevillara joan dira, ordezkari gisa, partidua ikustera
Realak berak gonbidatuta, alderdi politiko guztietako alkateak bildu ditu ekimenak. Helburua berbera da guztientzat: emaitza ona lortzea eta Kopa irabaztea.
Eusko Jaurlaritzak migratzaileen erregularizazioari buruzko gida argitaratu du
Tresna hori hainbat hizkuntzatan dago eskuragarri, eta Espainiako Gobernuak bultzatutako ezohiko erregularizazio-prozesurako sarbidea erraztea du helburu.