"Así se escribe un crimen", Euskadiko kronika beltzeko kasurik izugarrienei buruzko dokumental saila, ETB2n
Ekoizpena EITBren eta El Correoren (Vocento) arteko lankidetzak emandako fruitua da. Bi hedabideetako kazetarien kontakizunak biltzen ditu, gertakari horiei buruzkoak, eta zer gertatu zen azalduko dute, bertatik bertara.
Datorren irailaren 10ean, 22:15ean, ETB2k Así Se Escribe Un Crimen estreinatuko du, EITBk eta El Correok (Vocento) Secuoya Studiosekin elkarlanean ekoitzitako telesail dokumentala, Euskadiko kronika beltzaren kasu mediatiko eta ikaragarrienak aztertzen dituena.
Zortzi kapitulutan zehar, Así Se Escribe Un Crimen saioak gertakariak berreraikitzen ditu, artxiboko irudiez baliatuta, adituei eta ikerketan parte hartu zuten iturriei egindako elkarrizketek elikaturik, gertatutakoa kontatuz, eta inplikatutako pertsonek pairatutako kalte emozionala eta profesionala islatuz.
Ainhoa de las Heras, David Olabarri eta David Gonzalez El Correoko gertakarietako kazetariak, eta Miriam Duque, Radio Euskadiko Ganbara Negra saioaren zuzendaria, dira gertakari horiek bertatik bertara jarraitu zuten kazetarietako batzuk, eta orain krimenak berraztertu dituzte, hasierako ikerketatik ebazpen judizialera arte.
Kasu errealak, kronika beltzean lorratza utzitakoak
Kapitulu bakoitzak gizartea hunkitu zuten krimenen xehetasunak aletzen ditu, ikerketen garapena ez ezik, kasuen inguruko inguruabarrak ere aztertuz. Engainuek eta obsesioek eragindako gertaeretatik hasi eta beldur kolektiboa piztu zuten kasuetara arte, serieak agerian jartzen du delituok mugarria izan zirela memoria kolektiboan eta Euskadiko segurtasunari eta justiziari heltzeko moduan.
Así Se Escribe Un Crimen gertaerak kazetaritzaren ikuspegitik errepasatzeaz gain, indarkeriaz eta gertakari horiek gizartean duten eraginaz kontzientzia sortzea ere bilatzen du, tratamendu dokumentatua errespetuz eginda.
Fitxa teknikoa
Zuzendaritza: Mayjo Ruiz
Ekoizpen exekutiboa: José Luis Pastor/Alberto Tellitu/Sergio Lizarraga/Paolo Nocetti/Raúl Serrano
Ekoizpen delegatua: Izaro Goenaga
Produkzio zuzendaritza: Fausto Bastida
Errealizazioa: Keles Barreda
Gidoia: Roberto Alonso/Guillermo Estrada
Zure interesekoa izan daiteke
Celtako zaleek azazkalak margotu dituzte Borja Iglesiasen alde, futbolariak Sevillan jasotako irain homofoboak salatzeko
Sevillaren aurkako partida bukatu zenean, Sanchez Pizjuanen jokalariak jaso zituen irainen aurrean, gaurko Balaidosko norgehiagokara azazkalak margotuta joatera animatu zituen klubak jokalari eta zaleak. Iglesiasek berak urteak daramatza homofobiaren aurka borrokatzen, eta azazkalak margotuta eramatea izan da bere ezaugarrietako bat.
Auzitegi Gorenera jo du Kermanen familiak Arabako Auzitegiak haren hilkeren "larritasuna murrizten" duela iritzita
Azaroan behin-behineko askatasuna eman zioten erasotzaileari eta epaiketa labur bat egingo zela ebatzi zuen Arabako Auzitegiak, instrukzio epaitegiaren iritziaren kontra.
Pertsona bat hil da Benasquen, elur-jausi batek harrapatuta
Cerler eski estazioan gertatu da ezbeharra. Dirudienez, hainbat elur-jausi izan dira gaur pistetatik kanpo.
Lau gazte atxilotu dituzte Bedian, Euskotrenen tren batean grafitiak egitea egotzita
18 eta 21 urte bitarteko lau gizonezko hartu dituzte atxilo, trenbidean barrikada bat jarri eta Euskotrenen tren batean pintaketak egitea leporatuta.
Hamar pertsona erietxera eraman dituzte Gasteizko lonja batean izandako sutean kea arnasteagatik
Ertzaintzak jakitera eman duenez, igande goizeko zortzi eta erdietan gertatu da. Ikerketa abiatu dute sua zerk eragin duen argitzeko.
Pertsona bat erreskatatu dute Basauriko zubi batetik ibaira erori ostean
Larrialdi zerbitzuek gizon bat erreskatatu dute larunbat honetan, Agirre Lehendakariaren etorbideko zubi batetik uretara erori ondoren.
Ertzaintzak giza gorpuzkiak kiskalita topatu ditu Ortuellan
Ikerketa abian dute gertatutakoa argitu eta istripua izan den edo kriminalitate zantzuak dauden zehazteko. Oraindik ez dute biktima identifikatu.
11 pertsona intoxikatu dira kea arnastuta Baionan piztu den sute batean
Baiona iparraldeko lau solairuko etxebizitza batean piztu dira garrak, 10:30 aldera, eta eguerdirako itzali dute sutea. Sei pertsona ospitaleratu behar izan dituzte.
Maskotekin iruzurrak online egiten zituen sare bat desegin, eta isolatuta zuten 80 urteko gizon bat askatu dute
18 pertsona atxilotu dituzte Bizkaian, eta iruzurgileen 121 biktima identifikatu dituzte, batzuk Gipuzkoan eta Araban.
Afrikako Kopako finala pasioz biziko dute Bilbon
San Frantzisko auzoan bizi diren senegaldarrak eta marokoarrak ilusioz gainezka daude igandeko partidaren zain. Ia guztiek dute planen bat pentsatuta. Baina, batez ere, giro bikainean bizitzea espero dute, oso ondo konpontzen diren bi zaletu-talde baitira.