Nafarroako Osasun Publikoak neurriak hartu ditu Erriberriko hegoaldean legionella agerraldi bat eteteko
Mairagako Mankomunitateko bizilagunei eskatu die etxean hainbat neurri hartzeko.
Nafarroako Osasun Publikoaren eta Lan Osasunaren Institutuak (NOPLOI) azken egunotan Erriberriko Udal Kiroldegitik hegoalderako eremuan detektatu den legionella agerraldia kontrolatzeko neurri egokiak hartzeko agindu du. Lau laguni diagnostikatu diote gaitza.
NOPLOI hasiera-hasieratik ari da lanean Mairagako Mankomunitatearekin, eta agerraldia kontrolatzeko beharrezko neurriak hartzen ari dira, Nafarroako Gobernuak ohar baten bidez jakinarazi duenez.
Hala, NOLPOIren Ingurumen Osasuneko Atalak, irailaren 2an, laginak jaso zituen kaltetutako pertsonen etxebizitzetan. Hilaren 3an, PCR bidezko lehen analisi batean, lagin horiek legionellan positibo eman zuten, eta kultibo bidezko emaitzen zain daude orain.
Kontuan hartuta legionelosi-kasuak elkarren hurbileko eremuetan bizi diren pertsonen artean gertatu direla, eta ospitaleratze-datak ere gertukoak izanik, NOPLOIk gaixoei egin zitzaizkien inkesta epidemiologikoak berrikusi zituen, elkarrekin loturarik zuten zehazteko.
Laginak positiboak zirela egiaztatu ostean, NOPLOIk Mairagako Mankomunitateari eskatu zion kloroa eremu horretako hornidura-sarean 0,5 ppm-tik 1 ppm-ra bitartean mantentzeko eta zenbait ekintza egiteko.
Hala, gaur goizeko azken bileran, beharrezkotzat jo dute eremu horretan bizi diren herritarrek etxean hainbat neurri hartzea.
Etxeko txorrota eta dutxa guztietako ura isurtzen uzteko aholkatu diete, txorrotak txandaka ireki eta 5 minutuz ura isurtzen utzita. Nahasgailua duten txorrotetan, 5 minutuz utzi behar zaio ur hotzari joaten, eta, ondoren, beste 5 minutuz, ur beroari.
Halaber, dutxetako txorroten eta alkatxofen difusore edo iragazkiak kentzeko eskatu dute. Kare-inkrustazioak produktu egokiekin (ozpina edo karearen kontrako produktuak) kendu, eta, ondoren, desinfektatzeko, lixiba komertzialaren 10 tanta litro bat uretan sartuta 30 minutuz, eta garbitu ostean berriro jartzeko.
Ur beroa ekoizteko sistema bi egun baino gehiagotan itzalita izan duten etxebizitzetan, erabili aurretik, gehienezko tenperaturan jarri beharko da, eta txorrotetako ura 5 minutuz isurtzen utzi, ondoren, erabili aurretik, ohiko tenperaturan jartzeko.
Mairagako Mankomunitatea arduratuko da informazioa inguruko bizilagunei helarazten, bitarteko digitalen bidez nahiz postontzietan sartuta.
Zure interesekoa izan daiteke
Joseba Novoa, Ertzaintzak zauritutako Realako jarraitzailearen senarra: "Tiroen egileari aurpegia jartzera nator"
Novoa epaitegietan egon da, polizia operatiboan parte hartu zuten sei ertzainek — lau inputatu gisa eta bi lekuko moduan — instrukzio epailearen aurrean deklaratu duten bitartean. Izan ere, Amaia Zabarte zauritu zuen ertzaina epaitu dute gaur.
Eusko Jaurlaritzak "frankismoa arintzen duten mitoak desegiteko" ekitaldia antolatu du gazteekin
Exekutiboa Alemaniako elkarte memorialista batekin elkarlanean ari da "faxismoaren eta nazismoaren zentzugabekeriaz" kontzientziatzeko egitasmo batean.
Glutenik gabeko garagardoak digestio-ondoeza eragin dezakeela jakinarazi du EHUk
Glutena duten eta glutena ez duten 60 garagardo lagin aztertu ondoren, pertsona batzuengan hantura, gasak edo sabeleko mina eragin dezaketen molekulak aurkitu dituzte ikertzaileek.
Euskal gizartea nahiko zoriontsua da, etxebizitzak kezkatzen du eta ez zaio politika asko interesatzen
Eusko Jaurlaritzako Prospekzio Soziologikoen Kabineteak ostiral honetan argitaratutako 87. Euskal Soziometrotik ateratako ondorio nagusiak dira.
Lau euskal herritarretik batek oporretan bidaiatzeari uko egiten dio arrazoi ekonomikoengatik
Gau bateko edo biko irteerak ohikoak izaten jarraitzen dute Euskadiko bi pertsonatik batentzat, batez ere 18 eta 49 urte bitarteko herritarren artean.
Hiru zulo berri ireki ditu itsas denboraleak Ondarretako pasealekuan
Leku horretan, konponketa lanak egiten ari ziren oraindik, azaroko denboraleak eragin zituen kalteak tarteko, eta egunotako olatu handiek indarrez jo dute berriro pasealekua.
Agustindarren eraikin zaharretik kanporatutako pertsona migratzaile asko kale gorrian utzi dituztela salatu dute Donostian
Goizean Martuteneko Agustindarren eraikin zaharretik 100 pertsona migratzaile baino gehiago kaleratu ostean, haiei laguntzen aritu den harrera sareak manifestazioa egin du arratsaldean Donostian, Egiako epaitegietatik abiatuta. Salatu dute asko eta asko kale gorrian utzi dituztela, bazterkeria egoeran, eta dagoeneko 400 pertsona inguru daudela kalean Donostian.
Pradalesek dibulgazio zientifikoaren garrantzia azpimarratu du, "askatasuna eta kohesio soziala" eraikitzeko tresna gisa
Lehendakaria Donostiako Victoria Eugenia Antzokian izan da, Donostia International Physics Centerren 25. urteurrenean.
Enplegu publikoa eskuratzeko euskara eskakizuna, Konstituzionalerako bidean
Eusko Jaurlaritzak kezkaz hartu du EAEko Auzitegi Nagusiak legearen konstituzionaltasunaz galdetzeko aukera mahaiaren gainean jartzea, euskara administrazio publikoan normalizatzeko markoa bera zalantzan jartzen duen erabakia dela iritzita. Fiskaltza, ordea, ados dago Auzitegi Konstituzionalari kontsulta egitearekin.
Israelek 2026ko Eurovision jaialdian parte hartuko du eta, ondorioz, Espainia, Irlanda eta Herbehereak ez dira egongo
Irratidifusioaren Europar Batasunaren batzar orokorrak errefusatu egin du Israelek jaialdian parte hartzeari buruz bozkatzea, eta RTVEk erretiratzea erabaki du.