Jaizkibel Konpainiak txalo artean egin du ibilbidea, eta alarde tradizionalak kantinerak soilik eraman ditu Gernikako Arbola plazara
Iaz gertatu zen bezala, emakumeei berdintasunez parte hartzen uzten ez dietenak ez dira hitzordura agertu, eta kantinerak soilik bidali dituzte. Herritarrek eta agintariek txaloka hartu dute konpainia parekidea Kale Nagusian.
Abiatu da Hondarribiko alardea, azken urteetako bide beretik abiatu ere. Hala, Gernikako Arbola plazako hitzorduan Jaizkibel Konpainia bakarrik agertu da, eta alarde tradizionalak kantinerak soilik bidali ditu.
08:00etan abiatu da Jaizkibel, Udalaren dekretuak ezarri moduan, eta Nora Ferreira kapitainak kritikatu du “iazkoa errepikatu” dutela alardean emakumea baztertzen dutenek, nahiago izan dutela “ez ospatu, behar den bezala ospatu baino”.
Herritar askok bezala, agintari publikoek ere txaloka hartu dute konpainia parekidea. Bertan ziren, besteak beste, Igor Enparan alkatea, Eider Mendoza Gipuzkoako ahaldun nagusia eta Miren Elgarresta Emakunderen zuzendaria.
Udaletxeko atarian txaloka hartu dute EH Bilduko Maddalen Iriarte Gipuzkoako Batzar Nagusietako bozeramaileak, Nerea Kortajarena legebiltzarkideak, Miren Etxebeste eta Maribi Eizagirre Gipuzkoako batzarkideek eta Richar Vaquero Podemos Euskadiren koordinatzaile nagusiak.
Konpainia gisa desfilatzen duen bigarren aldia du Jaizkibelek, 2024ra arte manifestazio gisa baino ezin baitzuen egin, nahiz eta konpainiaren egitura izan.
Dena den, ez da polemikarik falta izan, izan ere, Jaizkibelek alarde bakarra aldarrikatzen du, eta tradizionalak, berriz, ez du batasun hori onartzen.
Udalaren dekretuak bi konpainien tropak Gernikako Arbola inguruko lorategian biltzea agintzen zuen, baina, iaz bezala, alarde tradizionaleko konpainiek ez dute topaketa horretan parte hartu, ez dira ezarritako orduan bertaratu, eta kantinerak besterik ez dituzte bidali.
Jaizkibel konpainiak, mila bat parte-hartzailerekin, goizeko zortzietan abiatu du bere desfilea. Nora Ferreira kapitain eta Itxaro Arrietagoikoetxea kantinera zituela, konpainia parekideak Santa Maria atea hartu du Kale Nagusira igotzeko. Kale Nagusian ez da plastiko beltzik egon, ezta kontrako pankartarik ere.
Txalo ugari eta emakumeek alardean parte hartzearen aldeko oihu batzuk entzun dira Jaizkibel pasatzen ari zenean, baina ikusleen zati bat bizkarra emanda egon da.
Alarde tradizionala berandu abiatu da, Jaizkibelekin ez elkartzeko, eta alkatearen dekretua urratu dute. Arratsaldean berriro aterako dira desfileak.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.