Mildiuaren aurkako kostuak finantzatzeko dirulaguntzak iragarri ditu Arabako Foru Aldundiak
Igande honetan, Arabako Errioxako mahats-bilketaren 30. festa ospatu da Lezan. Bertan, Eusko Jaurlaritzak iragarri du bulego iraunkor bat irekiko duela Arabako Errioxan mahastizaintza eta ardogintzaren sektoreari zerbitzua emateko.
Arabako Errioxako mahats-bilketaren 30. festa. Argazkia: EFE.
Igande honetan, irailaren 14an, ospatu da Arabako Errioxako mahats-bilketaren 30. festa Lezan (Araba). Ramiro Gonzalez Arabako Foru Aldundiko ahaldun nagusiak mildiuaren aurkako dirulaguntzak emango dituztela jakinarazi du bertan.
Ekitaldian, Gonzalezek esan du mildiuak urte gogorra eragin duela eta gogorarazi du Aldundiak beste dirulaguntza bat ematen duela horri aurre egiteko. Hain zuzen ere, Arabako Foru Aldundiak 1.600.000 euro erabiliko ditu horretarako.
“Ez da urte erraza izan mahastizainentzat. Mildiuaren urtea izaten ari da aurtengoa. Aldundiak beste dirulaguntza bat du mildiuaren aurkako kostuak laguntzeko”, azaldu du Arabako ahaldun nagusiak.
Ramiro Gonzalez, Arabako Foru Aldundiko ahaldun nagusia
“Ez da urte erraza izan mahastizainentzat. Mildiuaren urtea izaten ari da aurtengoa. Arabako Foru Aldundiak beste dirulaguntza bat du mildiuaren aurkako kostuei aurre egiten laguntzeko”
Bestalde, Eusko Jaurlaritzak ere berrikuntzak aurkeztu diru. Hain zuzen ere, Amaia Barredo Eusko Jaurliartzako Elikadura, Landa Garapen, Nekazaritza eta Arrantzako sailburuak jakinarazi du bulego iraunkor bat abiatuko dutela Arabako Errioxan.
Horren helburua mahastizaintza eta ardogintzaren sektoretik gertuago egotea izango da, lankidetza indartuz, aholkularitza eskaintzeko eta sortzen diren beharrei erantzuna emateko.
Bulegoa Guardian egongo da, Arabako Errioxako kuadrillaren egoitzan. Hiru egunetan egongo da zabalik: astelehen, asteazken eta ostiraletan, 09:00etatik 14:00etara.
Arabako lurraldean dago EAEko ardogintza-sektorearen gune nagusia: 2024/2025 kanpainan, 365 upategi erregistratu ziren; 2018/2019an baino 14 gehiago. Lurraldean 13.800 hektareatik gora mahasti daude; 12.696 ardo beltz, 1.043 ardo zuri eta 102 txakolin.
Zure interesekoa izan daiteke
Abenduaren erdialdean irekiko dute Bilboko Zabalguneko aparkalekua, 549 plazarekin
Santurtziko alkateak "onartezintzat" jo ditu Anderren atxiloketaren irudiak
Zer neurri proposatzen ditu KIDS Legeak adingabeak Interneten babesteko?
SOS-Deiak larrialdi zerbitzua ordu erdi etenda egon da sistemako akats baten ondorioz
Ezkontza kopurua % 8,4 gutxitu da Euskadin urteko lehen hiruhilekoan
Gizon bat atxilotu dute Bilbon, ibilgailuak erregistratzeko eta delituak egiteko mutil baten identitatea usurpatzeagatik
Euriteek gutxienez hildako bat utzi dute Katalunian
Bengoetxea: "Epaia sakon aztertuko dugu helegitea aurkeztu edo ez erabakitzeko eta moldatzen ari garen dekretua hobetzeko"
Oporrak baimenik gabe 17 egunez luzatu zituen langilearen kaleratzea berretsi egin du Nafarroako Justizia Auzitegi Nagusiak
