Eskola segregazioaren aurkako manifestazioa deitu dute azaroaren 29rako, Bilbon
Euskal Eskola Publikoaz Harro Topaguneak eskola publikoaren aldeko apustua egiteko eskatu dio Eusko Jaurlaritzari. Ordizian egin dute agerraldia, eskola segregazioaren arazoaren erakusgarri den herrian, plataformaren arabera.
Euskal Eskola Publikoaz Harro Topaguneak manifestazioa deitu du azaroaren 29rako Bilbon, eskola publikoaren alde eta eskola segregazioaren aurka.
Ordizian egin dute topaketa larunbat honetan plataformako kideek, "gure hezkuntza sistema osoa barne hartzen duen eskola segregazioaren adibide bizia baita Ordizia", horien esanetan.
Plataformako kideek salatu dutenez, "Ordiziako bi ikastetxeen arteko desoreka, bata publikoa eta bestea itunpekoa, kezkagarria da". "Premia sozialak dituzten ia ikasle edo familia guztiak eskola publikoan daude, baita atzerritar jatorriko ikasleen % 87 ere", eta horrek "desoreka larria dakar matrikulazioan, familien jatorriaren, euskararen ezagutzaren eta familien egoera sozioekonomikoaren arabera", ohartarazi dute.
Horregatik, Ordizia "Hezkuntza Sailaren utzikeriaren eta eskola segregazioaren arazoa konpontzeko borondate faltaren isla ezin hobea" dela nabarmendu dute.
Arartekoaren esku-hartzea
2019an, Arartekoak ebazpena kaleratu zuen Hezkuntza Sailari neurriak hartzea eskatuz, "bi ikastetxeen arteko oreka handiagoa lortzeko ikasleen banaketan".
Hala ere, Arartekoak ekaineko txosten batean ondorioztatu zuenez, "sei urte geroago, Ordizian bere horretan jarraitzen du arazoak: Hezkuntza Sailak ez du neurri zuzentzaile nahikorik hartu, eta desoreka nabarmena dago diru publikoarekin mantentzen diren bi ikastetxeen artean ikasleak banatzeko orduan".
Eskola Publikoaz Harro taldekoen arabera, urte hauetan hartu diren neurriek "ez dute ezertarako balio izan, ez diotelako heldu benetako arazoari, gure sistema dual segregatzaileari". "Ordizian ikastetxe bakarra balego, ez legoke segregaziorik", gaineratu dute.
Eskola segregazioari aurre egiteko beharrezkoa da, horien ustez, "benetako borondate politikoa izatea eta neurri eraginkorrak martxan jartzea: sare publikoari lehentasuna ematea plazak planifikatu eta esleitzeko prozesuetan, giza baliabideen eta baliabide materialen hornidura handitzea, plazen gaineskaintza eta sare pribatuaren ituntzea pixkanaka murriztea, eta hala nahi duten ikastetxeentzat publifikazio-bideak irekitzea", besteak beste.
Manifestazioa Bilbon
Euskal Eskola Publikoaz Harro Topaguneak "familia gehienak eskola inklusibo, plural eta euskaldun bakarrera, eskola publikora, bideratzeko" politikak eskatu ditu, "ezinezkoa baita pertsona aske eta berdinen gizartea lortzea berdintasunean oinarritutako hezkuntzarik gabe".
"Era berean, ezinezkoa da berdintasunean heztea diru publikoz eutsitako sare pribatuak mantenduz, eskola publikoaren kaltetan, hezkuntza pribatua beti urruntzen baita berdintasunaren eta askatasunaren balioetatik", adierazi dute.
Horregatik guztiagatik, arlo publikoaren alde dauden guztiei azaroaren 29an Bilbora joateko deia egin diete, eskola publikoa babesteko.
Zure interesekoa izan daiteke
Bi gidari hil dira astearte honetan Nafarroan izandako bi istriputan
56 urteko motozale bat hil da Izaban motorretik erorita. 60 urteko beste gizon bat hil da Esteribarren, bidetik irten ostean.
Baldintzak, epeak eta nola eman izena Osakidetzako EPEko azterketetan
Eskainitako 41 kategorietako batean izena emateko gida, pausoz pauso.
United Airlinesek Bilbo eta New York arteko hegaldi zuzenak eskainiko ditu irailaren 23ra arte
Konpainiak hiru hegaldi eskainiko ditu astean Loiuko eta Newmarkeko aireportuen artean. Zerbitzua joan den udan jarri zen martxan lehen aldiz, eta 14.400 bidaiari baino gehiago jaso zituen 2025ean.
17.000tik gora ikaslek hasi dituzte gaur unibertsitatean sartzeko probak Hego Euskal Herrian
Azterketak, ohi bezala, hiru egunez egingo dira, eta prozedurak bi fase ditu: sarbidea eta onarpena. Azterketen emaitzak ekainaren 10ean argitaratuko dira.
Global Sumud Euskal Herriak kereila kriminala aurkeztu du Ertzaintzaren eta Zupiriaren aurka, Loiuko jarduketa "basatiagatik"
Global Sumud Flotillaren euskal ordezkaritzak kereila kriminala aurkeztu du astearte honetan Loiun aktibisten ongietorrian aritu ziren ertzainen, polizia-dispositiboa zuzendu zuten buruzagien eta Bingen Zupiria Segurtasun sailburuaren aurka, hainbat delitu egotzita; besteak beste, legez kanpoko atxiloketa, lesioak eta gorroto-delitua, Bilboko aireportuan ontzidiko aktibistei egindako harreran izandako istiluen ondorioz. Hala iragarri dute Euskal Herriko Global Sumud Flotilla ordezkatzen duten Haizea Ziluaga eta Iker Sarriegi abokatuek, Bilboko epaitegiaren atarian.
Espainiako Gobernuak Estatutu Markoaren erreforma onartu du, medikuen oposizioa gorabehera
Onarpena ia lau urteko negoziazioen ondoren iritsi da; medikuen sindikatuek aurka jarraitzen dute eta grebarako deialdiari eutsi diote.
Zortzi kilometrorainoko auto-ilarak N-1 errepidean, Villabona parean izandako istripu baten ondorioz
Bi ibilgailuk istripua izan dute eta ondorioz errei bat itxi dute Lasarte-Oriara bidean.
Eusko Jaurlaritzak umeak 4 urte izan arte luzatuko du seme-alabako hilean 200 euroko laguntza unibertsala
Dekretuak, halaber, zabaldu egin ditu guraso bakarreko familiei ematen zaizkien laguntzak, 4 eta 7 urte arteko haurren gurasoei emango dizkie, hilean 100 eurokoak.
Lekeitioko Udalak errekurritu egingo du EAEko Auzitegi Nagusiak aparkalekuei buruz emandako ebazpena
Uda honetan, egungo araudia aplikatzen jarraituko du, inguruko udalerrietako bizilagunek TAOaren gune berdean aparkatzeko aukera izan dezaten; ez, ordea, turistek zein herrian bigarren etxebizitza dutenek.
Ertzaintza 46 urteko gizon baten heriotza ikertzen ari da, Mundakan
Gorpuak kolpeak ditu. Autopsiaren emaitzaren zain, hipotesi guztiak zabalik ditu Ertzaintzak.