Hauek dira Araban, Bizkaian eta Gipuzkoan dermatosi nodular kutsakorraren aurka indarrean dauden kautelazko neurriak
Abere-azokak eta -bilkurak bertan behera utzi dira espezie guztientzat, txakurren eta katuen kasuan izan ezik. Gainera, animalien mugimenduak kontrolatzeko neurriak aktibatu, eta ibilgailuak eta garraio-elementuak desinfektatu eta intsektuak akabatzeko neurriak hartuko dituzte.
Ofiziala da dagoeneko. Eusko Jaurlaritzako Elikadura, Landa Garapen, Nekazaritza eta Arrantza Sailaren agindua ostiral honetan argitaratuta, gaurtik aurrera bertan behera geratuko dira behin-behinean ganadu-azokak Euskal Autonomia Erkidegoan, Dermatosi Nodular Kutsakorra (DNK) dela eta.
Neurriak azaroaren 30era arte egongo dira indarrean, baina Dermatosi Nodular Kutsakorraren bilakaera epidemiologikoaren arabera luza daitezke.
Neurri prebentibo gisa hartu du Eusko Jaurlaritzak erabakia, Frantzia eta Girona (Katalunia) "gertuko herrialde eta eskualdeetako egoera epidemiologikoa" ikusita.
Hauek dira Eusko Jaurlaritzak hartutako neurri nagusiak:
- Feriak, lehiaketak, sariketak, "herri kirolak", merkatuak eta txakurrak eta katuak ez beste espezie guztietarako aldi baterako edozein ekitaldi bertan behera uztea. (Salbuespena: "Foru aldundiek salbuespenez baimendu ahal izango dute gizartean errotuta dauden eta animalia-espezie bakarra duten ekitaldiak egitea, behiak ez badira").
- Euskal Autonomia Erkidegoan sartu edo irten diren abeltzaintzako garraio-ibilgailu guztiak desinfektatzeko eta desintsektatzeko betebeharra ezartzea. Partidekin batera aurkeztu beharreko agirien artean, desinfekzio- eta desintsektazio-ziurtagiria eskatuko da, zentro batek emana, edo, bestela, garraiobidea eta animaliak desinfektatu eta desintsektatu dituela dioen erantzukizunpeko adierazpena.
- Euskal Autonomia Erkidegoan sartzeko debekua jartzea Dermatosi Nodular Kutsakorraren (DNK) aurkako gune mugatutzat jotako ustiategietatik datozen animaliei.
- Badaezpadako 21 eguneko berrogeialdia ezartzea, agindua argitaratu aurreko 21 egunetan eremu mugatuetatik animaliak jaso dituzten abeltzaintza-ustiategiko behi-espezieko animalia guztientzat. Berrogeialdia bete beharko dute, halaber, eremu libreetatik etorri arren, lekualdatzean eremu mugatuetatik ibili diren animaliek.
- Euskal Autonomia Erkidegoko behi-azienden mugimenduek zuzenekoak izan beharko dute jatorriko ustiategiaren eta helburukoaren artean, eta ibilgailua desinfektatu eta desintsektatu egingo da kargatu aurretik. Ez da onartuko zama eta deskarga partzialik animaliak garraiatzen direnean.
- Animaliak kontzentratu eta gizentzeko zentroei dagokienez, sartzen diren animaliak desintsektatu egingo dira sartzen diren unean. Tratamenduak maiztasuna izango du, sendagaiarentzat ezarritako erabilera baldintzen arabera.
- Jatorri edo helburu Euskal Autonomia Erkidegoko ustiategiak dituzten zaldi-mugimenduak egiteko txartelaren baliozkotasuna etetea. Neurriok indarrean dauden bitartean, zaldi-azienden mugimenduetarako abelazkuntza-mugimenduaren dokumentazioa ere eskatuko da.
Zure interesekoa izan daiteke
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Korrikako antolatzaileen ustez, Errenteriako lan deialdi publikoan gertatu dena "mugarria" izan da. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.