Goialdeko borraskak kaltetutako valentziar adingabeen % 30ek beldurra diote euriari eta ekaitzei, urtebete geroago
Euriteek 229 hildako utzi zituzten —tartean, 9 haur. Save the Children erakundearen arabera, kaltetutako udalerrien “berreraikuntzan” ez dituzte haurrak erdigunean kokatu.
Goialdeko borraskak Valentziako haurrei eragindako kalteak. Irudia: EITB
Save the Children erakundeak eta Valentziako Unibertsitateak txosten bat aurkeztu dute, duela urtebete Valentziako hainbat udalerri astindu zituen goialdeko borraskak adingabeen artean eragin dituen ondorioak aztertze aldera. Enplegu eta Etxebizitza alorretan sortu dituen kezkak eta gorabeherak ere izan dituzte aztergai. Erakundearen arabera, kaltetutako udalerrien “berreraikuntzan” ez dituzte haurrak erdigunean kokatu.
Guztira, 229 lagun —tartean, bederatzi ume— hil ziren goialdeko borraskaren ondorioz, eta 200.000 adingabe eta 16.000 etxebizitza kaltetu zituen.
Ikerketak erakusten duenez, Valentziako haurren % 24k gutxi gorabehera lo egiteko arazoak dituzte oraindik, eta % 30ek beldurra diete euriari eta ekaitzei.
Bestalde, nerabeen % 12,4k kontzentratzeko zailtasunak dituzte, % 11k lehen baino denbora gehiago igarotzen dute gailu elektronikoekin, eta % 7k nahiago dute bakarrik egon.
Eskola, haurren babesleku
Galdekatutako familien erdiak (% 52,4) onartu dute seme-alabek atzera egin dutela ikasketetan.
Eskolara joateko aukerarik ez izateak eragina izan du ikasleen % 71,6ren emozio-egoeran eta %33,3ren harremanetan.
Larrialdiak gogorren kaltetutako udalerrietako haur eta nerabeen %45,4k kirola egiteari utzi diote, % 28k aire zabaleko jarduerak, % 25ek kultur edo aisialdi jarduerak, eta % 24,7k eskolaz kanpoko ikasketak.
Krisi klimatikoa errealitate bat da
Ekainean, Save the Childrenek ohartarazi zuen Valentziako haurren % 93k urtean, gutxienez, muturreko fenomeno klimatiko bat biziko dutela, Espainiako Estatuko erkidegoen artean horretarako arriskurik handiena duen laugarrena baita.
Gainera, pobrezian bizi diren familiek are arrisku handiagoa dute.
Galdekatu zituzten familien % 15ek, bestalde, etxeak galdu zituzten, eta lautik batek uste du gaur egun duen etxebizitza ez dela aurretik zeukana bezain segurua.
Haurrak erdigunean, galdutakoa berreraikitzeko ere
Urtebete geroago, azpiegiturak eta ekonomia beren onera itzultzeko ahaleginean daude oraindik Valentzian. Save the Childrenek, baina, garrantzitsutzat jo du haurrekin ez ahaztea, arreta gehien behar duen kolektiboa dela iritzita.
Bide horretan, adierazi du, larrialdi-egoeran 11.250 pertsonarengana iritsi zela erakundea modu zuzenean, eta 20.000 lagunengana, modu ez zuzenean.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.