Osakidetzak astebete aurreratu du gripearen aurkako txertoa hartzeko epea Bizkaian eta Gipuzkoan
Intzidentzia hirukoiztu egin da iazko datuekin alderatuta, eta ospitaleetan % 75etik gorako batez besteko okupazioa erregistratu da.
Osakidetzak erabaki du astebete aurreratzea Bizkaiko eta Gipuzkoako osasun-zentroetan gripearen aurkako txertoa hartzeko epea, aldez aurreko hitzorduarekin, bi lurraldeetan erregistratutako asistentzia-presioa eta kasuen gorakada direla eta. Araban, bestalde, aurreikusitako egutegiari eutsi zaio, baina Osasun Sailak ez du baztertu doitzea, bilakaera epidemiologikoaren arabera.
Astelehen honetatik aurrera, Bizkaiko eta Gipuzkoako pertsona guztiek eska dezakete hitzordua Osakidetzaren webgunearen bidez zein zuzenean beren osasun-zentroarekin harremanetan jarrita. Osasun Sailak eta Osakidetzak herritar guztiak animatu dituzte txertoa hartzera, batez ere arrisku-taldeak, haurrak eta gazteak. Gogorarazi dutenez, "txertoa da gaixotasun hori prebenitzeko tresnarik onena, edo, gutxienez, gripearen birusaz kutsatuz gero osasun-arazoak saihesteko tresnarik onena".
Gripea ohi baino goizago etorri da Euskadin
Datu epidemiologikoek agerian utzi dutenez, gripea lau bat aste goizago etorri da aurten, aurreko kanpainekin alderatuta. Gaur egun, Bizkaia da intzidentzia handiena duen lurraldea, 100.000 biztanleko 118 kasurekin; ondoren, Gipuzkoa (45,24) eta Araba (15,22) daude. Euskadi osoan, intzidentzia 100.000 biztanleko 78,58 kasukoa da.
Gripeak eragindako larrialdiak guztizkoaren % 0,88 dira, Santa Marina Ospitalea buru dela ( % 3,53). Ospitaleetako oheen batez besteko okupazioa % 75etik gorakoa da lurralde guztietan, eta zentro batzuetan, Santa Marinan adibidez, % 85etik gorakoa.
Urriaren 20tik 26ra bitarteko astean, Osakidetzak 583 kasu erregistratu zituen, eta aurreko astean, berriz, 533; datuak agerian utzi zuen birusaren transmisioak etengabe gora egin zuela. Kanpainaren lehen lau asteetan, 1.735 kasu zenbatu dira, aurreko urteko aldi berean halako hiru (573).
Ospitaleratze-kopuru metatuak 192 dira jada, eta iaz, berriz, 21. Zainketa intentsiboetako unitateetan ere handitu egin da presioa: zortzi pertsona ospitaleratuta daude, eta aurreko kanpainetan, berriz, bat eta hiru artean.
Egoera horren aurrean, Osasun Sailak eta Osakidetzak Casillako (Bilbo) txertaketa-zentroa mantentzen dute, aldez aurreko hitzordurik gabe. Zentro hori egunero egongo da irekita, 08:00etatik 20:00etara. Joan den ostiralean ireki zenetik, 4.799 pertsonak jaso dute gripearen aurkako txertoa.
Zure interesekoa izan daiteke
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.
Osakidetzak iaz jarritako 168.000 txerto berrikusiko ditu, balizko gorabeheren bila
Gripeari eta COVID-19ari aurre egitekoak izan ezik (seguru dakite horiek ez zeudela iraungita), 2025ean inokulatutako guztiak aztertuko dituzte, badaezpada.
Elurrak eta izotzak zirkulazioa zaildu dute zenbait mendatetan larunbat honetan
Bernedoko mendatea itxita dago, errepidean elurra pilatu baita. Azazetan, Kurtzetan, Herreran edo Urduñako mendatean arreta handiz ibili behar da, eta Opakuan eta Izaban kateak behar dira.