Pertsona famatuak ordeztuz Instagram bidez egindako iruzurren berri eman du Ertzaintzak
Iruzurgileek pertsona famatuen iruzurrezko profilak sortzen dituzte, eta Ertzaintzak ohartarazi duenez, inbertsio "faltsuak" egitera bultzatzen dute jendea, kriptomonetetan eta finantza-produktuetan, besteak beste.
Ertzaintzak Instagramen zabaltzen ari den iruzur mota baten berri eman du. Egileek pertsona ospetsuen izena hartzen dute Instagramen, eta profil horiek erabilita kriptomonetetan eta iruzurrezko finantza-produktuetan inbertitzeko aukerak eskaintzen dituzte.
Zibersegurtasuneko Koordinazio Buruzagitzak azaldu duenez, iruzurgileek pertsona ezagunen erabiltzaile-izenak imitatzen dituzte, letra, gidoi edo puntu bat aldatuz, biktimak jatorrizkoa eta ustela nahastea eragiteko. Gainera, benetako kontuko argazkiak eta biografia kopiatzen dituzte, kontu ustelari sinesgarritasun handiagoa emateko.
Profil faltsua sortu ondoren, irudi publikoaren jarraitzaileei masiboki jarraitzen hasten zaizkie, eta mezu pribatuak bidaltzen dizkiete, inbertsio-proposamenekin. Horrela, pertsona ezagunak sortzen duen konfiantzaz baliatzen dira.
Ertzaintzak profilaren izen osoa arretaz aztertzea eta mezu pribatu bidez jasotako edozein eskaintzaz ez fidatzea gomendatzen du. Gogoratu figura publikoek ez dutela inoiz inbertsio pertsonalik kudeatzen sare sozialen bidez.
Horrelako mezuak jasoz gero, Poliziak aholkatzen du ez erantzutea, estekarik ez irekitzea eta artxiborik ez deskargatzea, webgune usteletara eraman baitzaitezke, eta datu pertsonalak edo bankuko datuak eskuratzen dituzten programa maltzurrak (malwarea) instalatzea eragin baitezakete. Finantza-datuak eman badituzu, jarri berehala harremanetan banketxearekin, eta eragiketak blokeatu.
Azkenik, Ertzaintzak adierazi du horrelako iruzurrak salatu egin behar direla, eta horretarako edozein ertzain-etxetara jo daitekeela esan du.
Zure interesekoa izan daiteke
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbolarekin zerikusia dutelakoan Bizkaian atxilotutako bi lagunak
Pasaporteak kendu dizkiete eta hamabost egunean behin epaitegian agertu beharko dute. Bi gazteak Iranekin bat plataformako kideak dira; talde horrek "inperialismo genozida salatzearen" aurkako kanpaina bat salatu du.
Emakume bat hil da Tuteran, auto istripu batean
Ezbeharra NA-134 errepidean gertatu da, gaur arratsaldean. Hildako emakumeak gidatzen zuen autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa eremuetako mugikortasuna aztertuta, EAEko herriguneetako 3 kotxeko 2 daude hiriguneetan
Saretzen txostenean aztertu dituzten Trafiko Zuzendaritza Nagusiaren azken erregistro ofizialen arabera, Hego Euskal Herriko landa eremuetan metropolietan baino % 55 auto gehiago daude biztanleko, eta toki batzuetan bizilagunak baino gehiago dira kotxeak.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.