Gazteen % 75ek sare sozialen bidez jasotzen dute informazioa, eta % 13k soilik identifikatzen dituzte albiste faltsuak
Gazteen % 20a baino gehiago eduki ideologikoen eta eztabaidagarrien eraginpean jartzen dira egunero. Hala ere, "berdintasunaren, demokraziaren edo immigrazioaren alde jarraitzen dute" ikerketaren arabera.
EAEko gazteen % 74,6ak sare sozialen bidez jasotzen du gaurkotasunaren berri, batez ere Instagram bidez. Gainera, % 13,4ak soilik identifikatzen ditu zurrumurru, bulo edo albiste faltsuak. Ikerketaren xehetasun guztiak, Eusko Jaurlaritzako Ongizate, Gazteria eta Erronka Demografikoko Sailak egindako "Gazteria, sare sozialak eta 2025 informazioa" txostenean ageri dira.
Txostenaren aurkezpenean Xabier Legarreta Gazteria eta Erronka Demografikoko sailburuordeak eta Adrian Lopez Gazteria eta Emantzipazioko zuzendariak parte hartu dute. Azaldu dutenez, dokumentua 15 eta 29 urte bitarteko gazteei 2025eko bi alditan egindako inkesta batetik abiatu da.
Ikerketaren arabera, inkestan parte hartu duten gazteen % 98,2ak egunero sare sozialen bat erabiltzen du, batez beste, 3,3 sare sozial eguneko. Inkestaren erantzunen arabera, sare sozialak dira gazteen informazio-iturri nagusia gaurkotasuneko albisteei dagokienez.
Bestalde, sare sozialetan euskararen erabilerak gora egin duela adierazi dute. Gazteen % 43,6ak euskara erabiltzen du sareetan, erabiltzaile gehienak Gipuzkoan aurkitzen dira.
Albiste faltsu eta buloei dagokienez, gazteen % 77,6ak adierazi du azken astean buloen eraginpean egon dela, eta % 13,4ak soilik uste du "oso ziur" dagoela buloak ikusten dituenean. Gazteen % 34ak adierazi du ez dagoela oso ziur buloak identifikatu ahal izateaz, eta % 12,8ak ez daki ikusi duen informazioaren artean buloak zeuden ala ez.
Bost gaztetik batek dio, noizbait, mezu eta iruzkin desatseginak bidaltzen zizkion norbaiten jazarpena sentitu duela sare sozialetan. Emakume gazteek gizon gazteek baino jazarpen gehiago jasaten dutela adierazi dute, % 26,5 eta % 16,9, hurrenez hurren. Gainera, gazteen % 31,7ri eduki erotikoak edo sexualak iritsi zaizkio, haien baimenik gabe.
Bestalde, gazteen % 20 baino gehiago immigrazioaren aurkako iruzkinen , demokraziaren funtzionamenduari egindako kritiken eta genero-berdintasuneko politikak baztertzeko edukien eraginpean dago egunero, borondatez edo nahi gabe.
Hala eta guztiz ere, txostenak egiaztatzen duenez, "berdintasuna zalantzan jartzen duten, immigrazioaren aurkakoak diren edo demokraziarekin kritikoak diren mezuen eraginpean egoteak, besteak beste, ez du esan nahi gazteek ideia horiek hartzen dituztenik; kasu askotan, adierazpen horrek gogoeta, azterketa kritikoa eta, ondorioz, diskurtso horien aurkako jarrerak indartzea eragin dezake ".
Zure interesekoa izan daiteke
Indonesiak hiru egunez luzatu du itsasoan desagertu ziren familia espainiar bateko kideen bilaketa
Bigarren gorpua erreskatatu dute gaur, Fernando Martin Valentzia CF taldeko B taldeko 44 urteko entrenatzaile ohiarena. Bi haur falta dira oraindik.
Erriberrin desagertutako gizona bilatzeko lanei berrekin diete
Asteazken arratsaldean ikusi zuten azkenekoz, udalerri horretan antolatutako San Silvestre lasterketan, ikusle gisa. Bizilagunek egun hartan grabatutako hainbat bideotan ageri da.
Eneko Arrastua Panticosan hildako mendizalearen hileta egin dute Irunen
Astelehenean hil zen 48 urteko irundarra, Panticosan, elur-jausi batek harrapatuta. Familia, lagun eta herritar andana bildu da Irungo elizan, Arrastuari azken agurra emateko.
Erriberrin desagertutako gizonaren bila jarraitzen dute, hirugarren egunez
Asteazken arratsaldean paseatzera irten zen 68 urteko gizona eta ez zen bere bizitokira itzuli. Oliteko San Silvestre lasterketan ikusi zuten azken aldiz.
Gaur egingo da Irunen Eneko Arrastuaren aldeko hileta-elizkizuna
48 urteko mendizalea joan den astelehenean hil zen Panticosan, elur-jausi batek harrapatuta.
Donostiako alkateak uste du Topoaren erdiguneko zatia uda bukaeran egongo dela prest
Jon Insausti Gipuzkoako hiriburuko alkateak esan duenez, Donostiako Topoaren obrarik handienak bukatuta daude, eta 2026ko uda bukaeran martxan jarri ahal izatea aurreikusten du.
Altsasuko alkateak salatu du pertsona talde bat udal eraikin batean indarrez sartzen saiatu zela
Gertakariak urtarrilaren 1eko goizaldean jazo ziren. Udaltzaingoak erasoa saihestu zuen, baina agenteak "larderia eta irain larrien" biktima izan ziren, alkatearen arabera.
Gaueko guardiako zerbitzua eskaintzen duen bigarren farmazia ireki dute Gasteizen
Eusko Jaurlaritzak hartu du erabakia, Gasteizko iazko errolda kontuan hartuta; izan ere, 250.000 biztanleko kopurua gainditu du hiriak. Larrialdiren bat izanez gero, beraz, aurrerantzean errazagoa izango da botikak eskuratzea.
Derrigorrezkoa al da eta funtzionatzen al du V16 balizak atzerrian?
Espainian matrikulatutako ibilgailuek V16 baliza erabil dezakete beste herrialde batzuetan, 1968ko Bide Zirkulazioari buruzko Vienako Konbentzioak ezartzen baitu nazioarteko zirkulazioan dauden ibilgailuek matrikulatuta dauden herrialdeko araudia bete behar dutela. Hala ere, kontuan izan behar da konektibitateak Estatu espainiarrean bakarrik funtzionazen duela eta matxura edo istripuren bat izanez gero, tokiko larrialdi-zerbitzuei deitu beharko zaiela.
225 eskaera baino gehiago jaso dituzte lehen egunean, guraso bakarreko familien ziurtagiri ofiziala lortzeko
Guraso bakarreko 21.000 familia inguru bizi dira Euskadin, horietatik % 80 emakumeak.