Emakume bat atxilotu dute Barakaldon, etxebizitza batean sutea pizten parte hartzea egotzita
Ertzaintzak 44 urteko emakume bat atxilotu du Barakaldon, azaroaren 13an El Carmen kaleko etxebizitza batean izandako sutearekin zerikusia duelakoan. Sua nahita piztu zutela, hori izan da Ertzaintzaren hipotesia hasiera-hasieratik.
Suhiltzaileak lanean, su hartu zuen etxebizitzan. Argazkia: EFE
44 urteko emakume bat atxilotu dute Barakaldon, azaroaren 13an El Carmen kaleko etxebizitza batean izan zen sutean parte hartu zuelakoan. Sua nahita piztu zutela, hori izan da Ertzaintzaren hipotesia hasiera-hasieratik.
Sutea goizeko seiak baino minutu batzuk lehenago hasi zen, eraikineko hirugarren solairuan. Une horretan, zenbait deik sutearen berri eman zieten larrialdi-zerbitzuei eta bizilagunek leihoetatik laguntza eskatzen zutela adierazi zuten. Larrialdi-zerbitzuak iritsi zirenean, bizilagunetako bat kalera erori zela ikusi zuten. Beste bik laguntza eskatzen jarraitzen zuten, leihoetatik, eta suhiltzaileek erreskatatu zituzten. Beste auzoko bat, berriz, barruko patio batetik atera zuten.
46 eta 60 urte bitarteko lau gizonak tokian bertan artatu zituzten, Gurutzetako eta San Eloy ospitaleetara eraman aurretik. Ordu batzuk geroago, kalera erori zen gizona hil zen, 48 urteko bizilagun bat, zauri larriak zituelako.
Atxilotutako emakumea ertzain-etxera eraman dute, eginbideekin jarraitzeko, eta epailearen esku utziko dute amaitutakoan. Ertzaintzak zabalik du ikerketa, gertatutakoa erabat argitzeko.
Zure interesekoa izan daiteke
Udalekuetan adingabeen babesa indartzeko erreforma azken txanpan sartu da
Gazteria Legea moldatzeko irizpena onartu du gaur Eusko Legebiltzarrak, eta ekainean osoko bilkuran eztabaidatu eta bozkatu egingo da.
Gasteizko URSSA eta EGA lantegi abandonatuak okupatzen dituzten pertsonak identifikatu dituzte, eta beren gauzak aterarazi dizkiete
Ertzaintzak, Polizia Nazionalak eta Udaltzaingoak batera egin dute dispositiboa, eta dokumentazio-egiaztapenak egin dizkiete han zeuden 100 pertsona ingururi. Agenteek beren gauzak eta tresnak pabiloi barrutik aterarazi dizkiete.
Albiste izango dira: Alerta laranja beroagatik, polemika Flotillaren ongietorrian izandako istiluengatik eta Zapateroren agerraldia, atzeratua
Gaurkoan Orain-en albiste izango direnen laburpena, bi hitzetan.
Bi ibilgailuren arteko istripu batek 5 kilometroko auto-ilarak sortu ditu N-1ean, Andoainen
Bi erreietako bat itxi egin behar izan dute, eta, ondorioz, ilara luzeak sortu dira.
Senegalen hildako arrantzale lekeitiarraren familiak laguntza eskatu du gorpua aberriratzeko
Lekeitioko 45 urteko arrantzale bat hil zen duela sei egun Senegalen, Dakar inguruko uretan. Ordutik, haren familia zain dago gorpua aberriratzeko; izapide burokratikoen eta Senegalgo portuetako traben ondorioz, itsasontzian jarraitzen du gorpuak. Bermeoko ATUNSA enpresako langile bat zen.
Lagako hondartzako aparkalekua uda osoan egongo da zabalik
Hondartzaren inguruko ingurumena birsortzeko lanak udazkenera arte atzeratuko dira, Espainiako Gobernuaren Bizkaiko ordezkariordeak jakinarazi duenez.
Harrera-familiek ere kontziliaziorako laguntzak jasoko dituzte aurrerantzean
Seme-alabak edo mendeko senitartekoak zaintzeko langileak kontratatzen dituztenei edota eszedentzia edo lanaldi-murrizketa eskatzen dutenei ematen zaizkien laguntzak arautzen dituen dekretu berri bat onartu du Eusko Jaurlaritzak.
Lau urteko ume bat ospitalera eman dute, Bilboko Pagasarribide eskolan bero-kolpe izan ondoren
Ikastetxeko Guraso Elkarteak salatu du azpiegiturak zaharkituta daudela eta ez daudela prestatuta bero sapa hauei aurre egiteko. Esan dutenez, arazoa orokorra da Bilboko sare publikoko eskoletan.
Adimen artifizialaren lege berriaren hamar gako eta adibide
Ministroen Kontseiluak lege-proiektu bat onartu du teknologia horren erabilera gizartearentzat "etikoa, inklusiboa eta onuragarria" izan dadin bermatzeko.
Donostiako Udalak hondartzen denboraldia aurreratzea aztertuko du, egun hauetako erreskateen ondoren
Jon Insausti alkateak adierazi duenez, hondartza denboraldia lehenago hasi behar den aztertuko da, edo agian zerbitzu zehatz batzuk, gune puntual batzuetan, baina hori datorren urteko aurrekontuen araberakoa izango dela azpimarratu du. Halaber, seinaletika indartzearen eta megafonia zerbitzuak lehenago aktibatzearen alde agertu da, Saguesen, esaterako, "arriskutsuak izan daitezkeen korronte konplikatuak" daudelako.