Martuteneko eskola zaharra hustu dute
Polizia-operatiboa 09:10ean iritsi da, eta ingurua hesitu dute. Megafonia bidez abisatu dute, agenteak barrura sartu eta lau pertsona identifikatu dituzte. Edozein kasutan, eraikin horretan bizi ziren 111 lagunetatik ia denak beren kabuz atera dira azken ordu eta egunetan.
Aurreikusi bezala, gaur goizean hustu dute Martutene auzoko Agustindarren eskola zaharra izandakoa, Donostian. Etxegabeen aterpe izan da orain arte, eta Donostiako Harrera Sareak azaroa amaieran egindako azken kontaketaren arabera 111 pertsona bizi ziren bertan; 84, Donostiako Udaleko iturrien arabera.
Ertzaintzak, Donostiako Udaltzaingoak eta Espainiako Poliziak osatutako polizia operatiboa 09:10 aldera iritsi da, eta ingurua hesitu dute. Halaber, gaua inguruan igaro dutenak kanporatu egin dituzte.
09:45ak pasata agenteak eraikin barruan sartu dira, bertan zeudenak ateratzeko asmoz. Antza denez, Poliziak lau pertsona identifikatu ditu.
Azken orduetan, eraikin horretan bizi ziren hainbat pertsona beren kabuz atera dira; horietako batzuek bi urte inguru zeramatzaten bertan bizitzen.
Jon Insausti Donostiako alkatea Euskadi Irratian izan da gaur goizean, eta, azaldu duenez, Udaleko Gizarte Ekintzako langileek 80 bat pertsonarekin hitz egin dute, eta 50ek onartu dute Ondarretako La Sirena aterpetxean ostatu hartzea.
Hainbat kolektibok erakundeen lana kritikatu dute. Salatu dutenez, 2024ko ekainetik zekiten eraikina husteko eguna iritsi egingo zela, eta "ez dute kontingentzia planik egin".
Testuinguru horretan, manifestazioa antolatu dute ostegun honetan, 19:00etan, Teresa Calcuta plazan, Atotxako Justizia Jauregian.
Zure interesekoa izan daiteke
Kataluniak dio Collserolan hildako basurde gehienek negatibo ematen dutela Afrikako txerri-izurritean
Ordeig kontseilariak esan du "ia ziur" dagoela gaitza giza faktoreagatik sartu dela AP-7tik edo beste komunikazio bide batetik. "Datozen egunetan jakingo dugu; ez da basurde kutsatu baten bidez sartu, giza faktorea izan da", gaineratu du.
Gutxienez bost kilometroko auto-ilarak AP-8an, Zaldibarren, Bilborako noranzkoan, istripu baten ondorioz
Istripua izan da AP-8ko 80. kilometroan, Zaldibar parean, Bilborako noranzkoan, eta errei bat itxita behar izan dute. Ondorioz, auto-ilara luzeak sortu dira, bost kilometrorainokoak.
Albiste izango dira: Donostia, hiri berritzaileenaren Europako saria irabazteko hautagai, abisu horia kostaldean eta Durangoko Azokaren atarian
Gaurkoan Orain-en albiste izango direnen laburpena, bi hitzetan.
Donostia bigarren geratu da Hiri Berritzaileenaren Europako sarian, Aalborg nagusitu baita
Nikosia (Zipre) eta Danimarkako hiria izan ditu lehiakide Turinen (Italia) izan den ekitaldian.
Beloradoko mojek saltzeko asmoa zuten 30 artelan berreskuratu dituzte, Urduñan
Azaroaren amaieran egindako polizia operazioan artelanak berreskuratu eta Laura Garcia de Viedma abadesa ohia atxilotu egin zuten.
Bilbon euskaraz bizitzeko aldarria egin du GUKA plataformak Euskararen Egunean
GUKA, Bilboko Euskaltzaleon Plaza Askea plataformak, ehunka lagun bildu ditu Bizkaiko hiriburuan. Bilboko auzo guztietan euskaraz bizitzeko aldarria egin dute, eta erdalduntze-makina geldiarazteko eskatu. Euskaraz bizitzeko arnasguneak ezinbestekotzat jo dituzte, baita hizkuntza politika ausartak eta eraginkorragoak bultzatzeko beharra ere.
Hizkuntza gutxituak plataformetan: “Primeranek ehunka eduki eskaini baditzake euskaraz, Netflixek zergatik ez?”
EHUko Nor ikerketa taldeko Josu Amezagak hizkuntza gutxituek ikus-entzunezko plataformetan duten presentzia azaldu du Eusko Legebiltzarrean. Europako herrialdeetan ingelesezko edukiak nagusi direla ohartarazi du, “askotan herrialdeko hizkuntza ofizialaren gainetik”. Hizkuntza gutxituen presentzia, “urria izanagatik ere, hobea da kontzientzia daukaten herrietan”. Bere ustez, politika publikoek eragina izaten dute.
Osasun Ministerioak eta autonomia-erkidegoek arnas-aparatuko birusen aurkako protokolo bateratua adostu dute
Dokumentuak lau agertoki definitzen ditu eta horietako bakoitzean hartu beharreko neurriak proposatzen ditu. Ministerioaren arabera, gripearen, covid eta beste infekzio batzuen aurrean "erantzuna hobetzeko" balioko du.
Euskararen Eguna ospatzeko mintzodromoak antolatu dituzte hainbat txokotan
Euskararen Eguna herri guztietan ospatzen da, aldarri eta aisirako hainbat ekintza eginda. Horren adibide dira mintzodromoak, askotariko gaiei buruz hitz egiteko biltzen diren pertsona talde txikiak.