Martinez sailburuaren esanetan, gripea erritmo "onean" doa beheraka Euskadin, nahiz eta Gabonetako jaien ostean gorakada "puntuala" egon daitekeen
Osasun sailburuak baieztatu du kasua kopurua hirugarren astez jarraian ari dela jaisten, eta hala jarraituko duela espero du, baina ohartarazi du oraindik "data arriskutsuak" direla. Martinez pozik agertu da, halaber, herritarrek eta osasun-profesionalek txertaketari emandako "ezohiko erantzunagatik".
Alberto Martinez Osasun sailburuak baieztatu duenez, gripe-kasuek behera egiten jarraitzen dute Euskadin, erritmo "garrantzitsuan", hirugarren astez jarraian, eta "ziur" agertu da jaisten jarraituko duela, nahiz eta Gabonetako jaien ostean "gorakada puntuala" gerta daitekeen.
Euskal Osasun Ituna martxan jarri zenetik sei hilabete igaro direla-eta Martinezek astelehen honetan egin duen agerraldian egin ditu adierazpenok sailburuak, eta ohartarazi du oraindik "arriskuzko datak" direla, "senideen eta, oro har, pertsonen bilkurengatik".
Gripea faktore askoren mende dagoen heinean, datozen egunetarako iragarrita dagoen "eguraldi txarra" barne, ahalik eta babes-neurri gehien hartzeko beharra oroitarazi du, eta baieztatu duenenz, "une honetan, behera egiten jarraituko duela espero dugu, nahiz eta jaien ostean gorakada gertatu daitekeen; baina, joerari eutsiz gero, jaisten jarraituko duela espero dugu".
Bestalde, adierazi duenez, pozik dago txertaketaren aurrean herritarrek eta osasun-arloko profesionalek izan duten "ezohiko erantzunarekin"; izan ere, iazko aldean % 12 egin du gora txertaketa kopuruak.
Profesionalen artean ere, igoera ohiko % 20tik gorakoa izan dela gaineratu du, "% 48ra iritsi da, profesionalen ia erdiak dira horiek". Sailburuak nabarmendu duenez, horri esker "gripeak ez du ia eraginik izan jarduera kirurgikoan".
Zure interesekoa izan daiteke
Pertsona baten gorpua agertu da Donostian, txabola batean izan den sutean
Sutea 18:00ak aldera piztu da Altza auzoan. Zerk eragin duen ikertzen ari dira.
Donostiako La Sirena aterpetxeak aterperik ez dutenak hartuko ditu aurrerantzean
Ondarretako udal aterpetxeak batez ere erabilera turistikoa izan du orain arte, nahiz eta azken urteotan neguko hilabeteetan publiko orokorrari itxita egon den eta kale gorrian dauden pertsonak hartzeko baliatu duten, baina 0 ºC inguruko tenperaturak izan diren gauetan besterik ez.
Sortzetiko kardiopatia duten 175 haur jaiotzen dira urtero EAEn, eta % 85 baino gehiago helduarora iristen dira
Osasun Sailak nabarmendu du unitate oso espezializatuak behar direla, konplexuak direlako eta bizitzan zehar eboluzionatu dutelako.
Eusko Jaurlaritzak eta Nafarroako Gobernuak neguko bidezaintza planak aktibatuko dituzte larunbat honetan
Zaparrada handiez gain, elur-kota 800 metrotik behera kokatuko da Arabako ekialdean. Nafarroan, berriz, elurra 500 metrora egitea espero da.
Epaileak Errejonen kontrako auzia artxibatzea baztertu du eta otsailaren 17rako deitu du
Magistratuak autoan dioenez, "ez dago auzia ixteko arrazoirik", eta argitu du ez daukala Elisa Mouliaa auzitik erretiratu izanaren jakinarazpen ofizialik, eta, beraz, hark "akusazio partikularraren figura" izaten jarraitzen duela.
Euriak ez du ehunka ikasleren festarako gogoa desagerrarazi Bilbon
Euriaren ondorioz, bertan behera utzi behar izan dute urtero hainbat ikastetxek Bilboko kaleetan zehar egin ohi duten desfilea. Jaia Plaza Barriko arkupeetara eraman dute, eta txarangaren erritmoan dantzatu eta txokolatea hartuta berotu dira bertan.
73 urteko gizon bat hil da Tuteran izandako istripu batean
Ezbeharra NA-134 errepidean gertatu da. Istripuan hil den gizona gidatzen ari zen autoa bidetik atera da eta etxe bat jo du.
Desfileak eta mozorroak izango dira nagusi hainbat herritan asteburuan egingo diren inauterietako ekitaldietan
Baliteke euriaren eraginez programatutako hainbat ekitaldi bertan behera geratzea. Dena den, euria ez da ondo pasatzeko oztopo izango.
Minbizia da adin txikikoen gaixotasunagatiko lehen heriotza-kausa, eta urtero 60-70 kasu berri eragiten ditu Euskadin
Gaur egun, Osakidetza 64 ikerketa-proiektu garatzen ari da onkologia pediatrikoan, eta biziraupena % 80-85ean dago.
Lau gizon atxilotu dituzte Bilbon izandako borroka batean, eta beste bat Basurtuko ospitalera eraman dute
Udal iturriek baieztatu dutenez, 02:00ak aldera joan dira Udaltzaingoaren patruilak Barrenkalera, borroka baten abisua jaso ondoren. Oraindik ez dute argitu zerk piztu duen gizonezkoen arteko liskarra.