2025. urtea beroenetan hirugarrena izan zen, eta 2023tik izandako batezbestekoak 1,5 °C-ko muga gainditu du
2025ean, munduko batez besteko tenperatura 14,97 °C-koa izan zen, 1991-2020 erreferentziako aldiko batezbestekoa baino 0,59 °C beroagoa. Europan ere 2025a beroenetan hirugarrena izan zen, batez besteko tenperatura 10,41 °C-koa izan baitzen, 2024ko errekorra baino 0,30 °C baxuagoa baina batezbestekoa baino 1,17 °C altuagoa.
BEROTZE GLOBALA
2025a inoiz erregistratutako hirugarren urterik beroena izan zen, baina 2023tik lehen aldiz hiru urteko aldi batean munduko tenperaturek batez beste 1,5 °C gainditu dute industria aurreko maila, Parisko Akordioan berotze globala epe luzera mugatzeko ezarritako atalasea, hain zuzen ere.
Iazkoa 2023koa baino 0,01 °C hotzagoa eta 2024koa baino 0,13 °C epelagoa izan zen (urte hori izan zen inoizko beroena), Epe Ertaineko Aurreikuspen Meteorologikoen Europako Zentroak (CEPMPM) asteazken honetan argitaratutako urteko txostenaren arabera. Zentro horrek Copernicusen Klima Aldaketaren Zerbitzuak (C3S) eta Zaintza Atmosferikoaren Zerbitzuak (CAMS) kudeatzen ditu Europako Batzordearentzat.
Zehazki, 2025ean munduko batez besteko tenperatura 14,97 °C-koa izan zen, 1991-2020 erreferentzia aldiko batezbestekoa baino 0,59 °C beroagoa.
Hirugarren urte beroena, baita Europan ere
Europan ere hirugarren urterik beroena izan zen 2025a, batez besteko tenperatura 10,41 °C-koa izan baitzen, 2024ko errekorra baino 0,30 ºC baxuagoa bai, baina batezbestekoa baino 1,17 °C epelagoa.
2025a erregistroetan beroena izan ez zen arren, azken hiru urteetako (2023-2025) tenperatura globalek "industria aurreko (1850-1900) batezbestekoa 1,5 °C-tan gainditzea eragin zuen, hiru urteko aldi batek 1,5 °C-ko muga gainditzen duen lehen aldia", txostenak azpimarratzen duenez.
Horren arrazoi nagusiak dira atmosferan berotegi-efektuko gasak metatzea eta itsasoaren gainazaleko tenperatura bereziki altuak izatea ozeano osoan, El Niño fenomenoaren eraginez, klima aldaketak larriagotutako ozeano-aldakortasuneko beste faktore batzuez gain.
Mauro Facchini EBko Lurraren Behaketako buruaren hitztean, "gutako inork ez zuen mugarri honetara iritsi nahi".
2025ean, gainazaleko airearen batez besteko tenperatura globala industriaurreko (1850–1900) maila baino 1,47 °C handiagoa izan zen, 2024an lortutako 1,60 °C-ko mailatik behera, hala ere, erregistratutako urterik beroena.
Epe luzerako berotze globalaren egungo maila industriaurreko maila baino 1,4 °C handiagoa da, eta, beraz, egungo berotze erritmoaren arabera, Parisko Akordioan ezarritako 1,5 °C-ko mugara "hamarkada honen amaierara irits gintezke, aurreikusitakoa baino hamarkada bat lehenago".
Ez da herrialderik berotzetik salbu denik
"Mundua azkar ari da hurbiltzen Parisko Akordioak ezarritako epe luzeko tenperatura mugara; eta gainditu egingo dugu, ziurra da. Orain erabaki behar duguna da nola kudeatu ondoen gainditze saihestezin hori eta horrek gizarteetan eta sistema naturaletan dituena ondorioak", azaldu du Calro Buontempo C3Sko zuzendariak. Azken 11 urteak beroenak izan direla gogorarazi du.
Iaz, batez besteko tenperatura altuena erregistratu zen Antartidan eta bigarren altuena Artikoan.
Markak hautsi ziren munduko beste eskualde askotan ere, bereziki ipar-mendebaldeko eta hego-mendebaldeko Ozeano Barean, ipar-ekialdeko Atlantikoan, Europako ekialdeko eta ipar-mendebaldeko muturrean eta Asia erdialdean.
Samantha Burgess C3Sko klimarako arduradun estrategikoak txostenaren aurkezpenean azaldu duenez, "ez dago klima aldaketatik salbu den herrialde ez hiririk".
Izan ere, 2025ean, munduko lurrazalaren erdiak estres termikoko ohi baino egun gehiago izan zituen, hau da, 32 °C-ko edo gehiagoko sentsazio termikokoak; Osasunaren Mundu Erakundeak (OME) mundu mailako klimarekin lotutako heriotzen kausa nagusi gisa onartua du estres termikoa.
Bestalde, eremu lehor eta haizetsuetako tenperatura altuen ondorioz baso-suteak errazago hedatzea ekarri zuen, eta horiek kutsatzaile atmosferiko toxikoak eragin zituzten, Europako zenbait lekutan (Espainia barne) eta Ipar Amerikan, esaterako.
Hala eta guztiz ere, CEPMPMk eta Copernicusek nabarmentzen dutenez, litekeena da 2026a bost urte beroenen artean egotea eta El Niño edo horren gisako fenomeno bat gertatzea; bestela esanda, erdialdeko eta ekialdeko Ozeano Bareko urek ezohiko beroketa jasatea, mundu osoko erritmo mtereorologikoen eraginez.
"Denbora kontua besterik ez da. Kontua ez da gertatuko ote den, baizik eta noiz gertatuko den, urte honen amaieran izan daiteke, datorren urtean edo bi urte barru", ohartarazi du Buontempok.
Zure interesekoa izan daiteke
Jaurlaritzak eta EHUko errektoreak premiazko bilera egingo dute arratsaldean, Euskara azterketetako zeroen polemikagatik
Unibertsitate eta Hezkuntza sailburuak Joxerramon Bengoetxearekin bilduko dira gaur arratsaldean.
USaPeko azterketak berrikusten hasi dira: Honelakoa da prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago ez Fiskaltzaren salaketarik, ezta biktimaren baten salaketarik ere; hala ere, salaketaren bat aurkeztuz gero, prozedura berriro ireki ahal izango litzateke.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.